.
طــرق بين علـي العبدالرحمن الماجد و عبدالعزيـز الحمد البادي ( رحمهم الله ) ...
ابو ماجد
يــا ســلام الله ســـلام بين ضحكــــه وابتسامه = يــوم ابن بــــادي تهرب خايف ياسم وسيمه
تقل حاقــــــرنا وحنـــا مــولعيـــن فــــي كلامه = القلوب اصحـــاح والخطـــــر نظيفات سليمه
عبدالعزيز
مرحبا مـــا هـلّ وبل ساقـــــــه الله من غمامه = في كلام الصاحب اللي هرجته عندي غنيمه
ليـل عيــد امهايف للـــي يبــــــي يظهر غرامه = مير انا ذا الحين ما ميــــز طواريق الخريمه
ابو ماجد
وان تعذر مـــا عليه ولا علــــــى غيره ملامه = مـــا يقاد الا البعير الصعب في حبل الشكيمه
ودي العب معــــه دام العـــدّ مركـــــوز مقامه = والمفاهم بالجديده مـــا نبـــــــي طار القديمه
عبدالعزيز
الـروابــــع كاثــــرات ومارضٍ قلبــــي فطامه = والغصون بــــدوحة الملعب بها حمل ونعيمه
وان بغيت اللعب فالمضمون لا تخطــي نظامه = كل رجال يــدرج هـــرجتـــه من طيـــب خيمه
ابو ماجد
مــا نحسدك جعل شغلك دايـــــم فوق العلامه = يــا حليلك يالمريض اللــــي تشكي من حكيمه
لا سلم راسك وراســـــي كل راس له عمامه = ما يغــــرّ من الطروق الواضحات الا البهيمه
عبدالعزيز
هب نسري الهبوب وشالنــــي يمـــة اتهامه = واستقى الهيفي وقام وصارت الدعوى عظيمه
كل قادم له علــى اهل الدار ماجوب وكرامه = وانت لك حــــق علينــــا نـنـسوي لك عـــزيمه
ابو ماجد
احمد الله يـــوم عوضتوا حمامه في حمامه = والسلامه من بعض مــا تـنـتــــج الدنيا غنيمه
كان لــــــي حق عليكم من فابشر بالسلامه = وان ذكرنا في قفاك اقصور فاعقوق او ظليمه
عبدالعزيز
ليتني من راس ما عديت في راس العدامه = شفت ما عفت الضحى وافخت ما جبت الزعيمه
صرت مثل اللي تمنى يا علي حلق النعامه = العيــــــــون امفتحات وعين ابــــو مجهول نيمه
ابو ماجد
دام راسك فيـــه دم فكل عـــام لك احجامه = يـــا حليـــلك يـــا قصيمــــي كلا خبــــزة قصيمه
ليت عندي مــــا يكفي كان اقدم لك غرامه = لا تحسبنـــــي غريـــــر بالضحيــــــــه والتميمه
العرض العادي
