قالو مشينا

[روح التميمي]

قالو مشينا قلت مامن مسيري=عندي قصيده جبتها وزنٍ وطرق
حيث ان قلبي بالشعر مستذيري=لاهلـّـت القيفان صفيتها برق
لولا ضلوعي يمكن انه يطيري=يلوّح الجنحان عن مطلع الشرق
الله واعلم ياعرب وش مصيري؟=والخوف ماهو من حناشل ولا سرق
الخوف كله من عذاب السعيري=لاصرت في غبة ذنوبي بعد غرْق !
لاصوتو شبراق بنت المديري=بنت القبايل احرقوا جسمها حرق
انا بدوي والا عســـاني خضيري=يوم الــقيامـه كلهم مابهم فـرق
الـخــالـدي والشمري والمطيري=كلٍ محاسب مافزع اصلٍ وعرق
يالله ترحم دمعتـي يامجيري= ياكافي المحتاج يارازق الوِرْق
وقالو مشينا قلت وين المسيري?=الموت واحد والبلا حزة الحرق !