يوم الأثنين مرٌيت الضحى للمبيعه

[روح التميمي]

المشاركة الأصلية كتبت بواسطة حمد البادي

وهذه غزليه لأبو محمد*

يوم الأثنين مرٌيت الضحى للمبيعه=عارضتني غزالٍ حض منهي حلاله

قلت ريٌض وخذ قلبي وخلك وديعه=لا تحرم المولع بك وتيتم عياله

لا تمكيج يغير لك جمال الطبيعه=وانت كلك حلا معطيك يوسف جماله

ريٌح البال ياراع العيون الوسيعه=الله اعطاك تلج الزين وانته كماله

انت بك حسن خلق وفيك نفسٍ رفيعه=نافلٍ كل جيلك حيث وضعك لحاله

انت شوفك ربيع القلب وانته ربيعه=لا تخلي يتيم الحب يقعد لحاله

انت وش فايدتك من الهجر والقطيعه=ارحم المسلم اللي جاعلك راس ماله

آه ليتك قريبٍ عندنا بالبديعه=كان يرتاح بال اللي شغل منك باله

شايلٍ من فراقك حمل ما يستطيعه=مثل حمل الجمل وان جودوه بحباله

راجع النفس وانظر للقلوب الوجيعه=لا تصير السبب وتصير سبة زواله

* نقلا عن الشاعر حمد البادي