يامل قلبا من طواريه مسجون ... سجنة ربيطا وسط حبسا رميبه
الى دقبي مع هجعة الناس شاطون ... خلا صناديق الضماير حطيبه
ما فهم جواب اللي عليه يهرجون ... اجاوب السرحان واقنب قنيبة
فيضت ما في خافي الصدر مكنون ... كما يفيض بالخوافي شعيبه
ومن عقب ذا يا راكباً فوق مامون ... حراً بقطع الدو ما ينحكيبة
لولا خزام الخشم والراس مرسون ... خطراً شداد الكور يكسر صليبه
الى قلب عينه كما عين مجنون ... او عين مصطوراً تناوش طليبه
الصبح من الزبير قبل يتقهوون ... والعصر بالسوبان يعجب خبيبه
الى قيل دوبك رفض النضو بالهون ... يجذبك بيت الشيخ مثل الجذيبه
بيت الذي فيه النشاما يتقدون ... جزاع شوق اللي تفض الذويبه
وسلم على اللي عن حوالي يخصون ...جهيلهم واللي غطا الراس شيبه
وديبهم لاشك ماهم بيدرون .... ما من حلالاً وسطهم نغتنيبه
واخاف من ربعا عليه يزودون... الى خلا كيسي ومعهم قضيبه
ولاني من يصبر الى صار مغبون ... لو ان فراقهم عليه مصيبه
الى صار ما ربعك لبيتك يسجون ... ما ينفع الرجال فعله وطيبه
وعلى النبي ختمت جواباً يصلون ... عداد ما ناح الحمام بعسيبه
وله.....
قم يا محمد دق بالقلب هوجاس .... النفس بذتني وعسراً هواها
هات الدلال وهات نجراً ومحماس .... واحمس لنا بناً وبالك نياها
ماطول ربعك والاجانيب جلاس .... النار شبه لين يشعم سناها
وحاذورك الربزه وحذراء التجماس .... وحاذور كلمة واحداً ما قداها
العرض المتطور
