ليت من صفّر حياته ويبدا من جديد=بعد ما خاض التجارب وعينه ورته
ويتمثّل حضي بصورة إنسانٍ بليد=واتوثق في يديني على حنجرته
واسحب السكين ومن الوريد إلى الوريد=وادفنه في قاع يابس وتمحى جرته
واستعيض بحض يمشي على ما ارغب واريد=لانخيته جاك يرهم وتبهل ضرته
وابتدي من نقطة الصفر بالرآي السديد=انتبه للوقت واحتاط من معرته
ما انشد الإكثار ولا التضخم بالرصيد=آخر الأطماع جمع الريال وصرته
كم مليونير نعرف لكن ماهو سعيد=ضاع في جمع الدراهم وحاست مِرّته
الحياة أكبرمن المال يا هل من مزيد=ما درت عن من تضره ولا من سرته
والسعاده شي نسبي ومطلبها بعيد=كان مالله قرّ عينك بها ما قرته
من ضحك له وجه وقته يلين إله الحديد= ومن بَسَر له لو زراره تعذر زرته
كم من روسٍ مطنخ وكم ارجال صِيِد=إبتدت مع فرته وانتهت مع كرته
ما غويت إن التماني تضر ولا تفيد=طارئٍ عنّ إلخيالي وفِكْرَه مرته
في ضميري هاجسٍ لا يكل ولا يهيد=مشغلٍ بالي بطيشه وحدة نبرته
بالمعاند ما يجارى وشيطانه مريد=وإن وقف في موقف إنسان هلت عبرته
يالله إنك لا تهينه يامبدئ يامعيد=ياكريمٍ يشتهي خاطري مبرته
العرض العادي
