تُسِيئِين فهمي وانتي أقرب قريبـه لـيّ

[حمد البادي]

تُسِيئِين فهمي وانتي أقرب قريبـه لـيّ=أجل من بعيد الناس ماهـوب مُسْتَغْـرَبْ
بِأي الحديث المُثْبـت اسنـاد والمنفـيّ=وبأي الحروف المُعْجم اللفظ والمُعْـرَب
تبي تفهمين إنك خلـف مَيّتـي والحـيّ=وبأنك غِذاء ومأكل الـروح والمشـرب
أنا قبل أعرفك كنت شرس وعنيد وعـيّ=وكان المثل من ظمن الامثال بي يُضرب
أناكِف ظلالـي لـو تعـدّان مـدّ الفـيّ=وِيِذْعِن ولا يغرُب مع الشمس لو تغـرب
ولا كان يِسْتَهْـوِي ولا كـان يِسْتَرْعـيّ=كلام الغزل عندي ولاهـوب مُسْتَطْْـرًب
وهالحين بين ايديك حَمْلٍ وَدِيـع إهْـدَيّ=عِيوني يِروب الدمع فيهـا ولا يسـرب
أوشِّحْك بوشاحٍ بمـاء الذهـب مطلـيّ=أصوغه بِفِكري صوغ والساني المُـذْرَب
فسبحان من خلاّ الأسد في يِديـك إطْلَـيّ=على رغبتك يِبْعِد على رغبتـك يقـرب
عن الهُون عِزّيني . ترى الهُون ماهو ليّ=عزيزٍ بقومي صافي الوِرْدْ لـي غَثْـرَب