يقول علي ابو ماجد كود = بالمشكل الشرع يفتي لي
حيث ان االعمال بيض وسود = واخاف تحصى محاصيلي
ياليت باب الهوى مسدود = عني وعن كل اهل جيلي
اسلم من الغيظ والمنقود = وارقد واريح مراسيلي
يا صاحبي لا تروم الكود = ترا تغلـّيك يقضي لي
ذبحتني بالرها والزود = وانا اتحراك تاويلي
يا غصن موز على الراقود = يشرب من العد والسيلي
ما ترحمن يا نعيم العود = يابو ثمان مذابيلي
وامجدل ضافي مرجود = على الردايف عثاكيلي
والخشم كنه شبى بالود = مع مثل درع القويتيلي
اللي وقف ماقف مشهود = يوم ابتلوه الرجاجيلي
الحكم في نجد لابن سعود = يابو عيون مدابيلي
قم اذبحن ذبح بالبارود = والا فانا ابيك تصفي لي
وابي من المستوي عنقود = والورد حطه بمنديلي
والا عليك البرى مردود = ابرز وانا ابرز على الليلي
اما ذبحتن وانا المفقود = والا كسبتك على خيلي
هذا سند بيننا بشهود = ان صح شعري وتفصيلي
2007, 10:59 PM
المواضيع المتشابهه
العرض العادي
