اقتباس:
المشاركة الأصلية كتبت بواسطة حمد البادي
وهذه قصيده لبو محمد رثاء في ..الراوي..ابراهيم بن محمد الواصل*
علم لفاني وشب بضامري مثل اللواهيب=قلت الخبر قالوا الوارد من اخبار صحيحه
قالو براهيم ابن واصل رحل مافيه تكذيب=وافاه يومٍ قضاه الله عليه الله يبيحه
ابو محمد رحل عن عالمٍ فاني بلى ريب=ما علمته الحياة الكبر في نفسٍ شحيحه
يوم انتقل من عنيزه بالضليعه له مقاضيب=من شارع السلسله لين البديعه وام شيحه
ابو محمد ترك له سيرةٍتنشر بترحيب=الراي صايب وفعله زين واقواله نصيحه
وثق لنا بالروايه منهجٍ صافي بترتيب=للشعر مرجع وراوي للتفاصيل المليحه
نفسه خفيفه وقلبه صادقٍ عفه وتهذيب=بالحب والمعرفه عاشت حياته مستريحه
يتعب على طاعة الله ويتحمل للمواجيب=يبيٌه من الله ولا يبيٌه من المادح مديحه
الله يرحمك ياعودٍ قضى عمره على الطيب=الله يطيٌب ثراه ويدخله جنه فسيحه
يكتب له العفو والغفران في عرض المكاتيب=في ساعةٍ كل الأعضاء عند خالقها فصيحه
يارب تقبل وترفع منزله ياعالم الغيب=واجبر عزا كل من يبكيه بقلوبٍ جريحه
|
* نقلا عن الشاعر حمد البادي
2007, 11:26 AM
المواضيع المتشابهه
العرض العادي
