يالله صباح الخير يالله مسا الخير=البارحه واليوم مانيب رايق
من ضيقتي فكيت طوق الأزارير=ومهما عملت أحسّ . مازلت ضايق
مٌصَاب باحباط وتوتر وتكدير=كن الفضا مع جبّ الإبره موايق
من قصةٍ ما تنشرح بالتعابير=بين الكموم إخيوطها والبنايق
كم هو وجيع ! إنك نظيف الأسارير=تعاملك واضح ولا لك بوايق
ويجيك من وقتك صدوف وعواثير=حتى يكون الوهم عندك حقايق
ماهوب نا قصني بهاسه وتفكير=ولا احتاج للتحليل شرح ووثايق
عندي مداخل للكلام ومظاهبر=إن كان للنعمان زهر الشقايق
تبغى تعيش ؟ فكون ثعلب عثامير=إمراوغي ومحايلي ومتهايق
ولا الصراحه مالها اليوم تأثير=مايمشي إلا الدحلسه واللفايق
لاباس ياعيني وياقلب لاضير=كلٍ على مااعتاد يسلك طرايق
خَلك علي مبداك لوعافه الغير=هو لايقٍ لك وانت للطيب لايق
2010, 02:58 AM
المواضيع المتشابهه
العرض العادي
