أحاول

[الحر المقيد]

أحاول أعرف قصتي مع سـنيني
وأدري ولا أدري بلا وعـي وإدراك
ياساهره نامي على رمش عيني
وخلّي بعض همّي على راح يمناك
بعض الخطايا واضحه في جبيني
وبين الضلوع أخفي تباريح مسراك
واحترت في نفسي وكذبة حنيني
وشفت زيف قلوب في سبعة أفلاك
ودي أسافر وانتظر واحتريني
وأشوف صدق الروح بلحالي هناك
جــــفّت ظنوني والعنـاء مبتليني
مذهول أو مشغول وأحاول أنساك
ليه الوفـاء مســــكين بينك وبيني
وهو نبات القــلب وطيبك ومعـناك
مــاني مـلاك وعـــثرتي تقـتفيني
ولا أقــــول إني بعيد بســــجاياك
الله يرحمني على ما كان فـــيني
بأرض الجفاء والصد والهجر بخطاك.