وهذا طــرق رابع بين عبدالعزيز البادي ( رحمه الله ) وشليويح المطيري ...
عبدالعزيز
سلامــــــــي عليكم عــد مـــا هــب نسناس = سرا الليل هيا يــــا بعيد المعادي
ابا لعب كما ان اللعب مــــا قيــــل به باس = ومالي ومال اللـــــي بقيده يرادي
شليويح
هــــلا مرحبا من خاطـــر فيــــه هوجاس = هواجيس قلبي مثل شغل الروادي
ترا االليله المعنى على اخماس واسداس = تـرا القيظ من عقبه يجيك البرادي
عبدالعزيز
عسى مـــــا عليك خلاف يا قاسي الراس = يرحب صديقك وانت ضيف البلادي
عمود الشراع ان قــــــام قامن الامراس = اقولــــ،،ه وهو كد قيل قبل بن بادي
شليويح
انـــا مــــا تضيفنــــي معاذيـــــــــر تملاس = لـــــزوم تبينها لــــــــراع الشدادي
ابي لـــــي صحيح وقصر يبنى على ساس = وباقي السوالف كل ابوهن ردادي
عبدالعزيز
يجــــي صبـــح عقب الليــل ويغلق الكاس = تصبر ولو ما شلت صبر المهادي
وانـــا خابـــر معناك مــــا جـــــــاه لولاس = علـى الظن ودك تتفق بالبجادي
شليويح
دروب المـــراجـــل كايــــــده تفرق الناس = وحقــي عليك وخل باقــي العبادي
عسى مـــــا يصير بقلبك اليـــوم وسواس = تعـرف المصيب وتستمع للمنادي
عبدالعزيز
انا ادي حقوقـــي وافيـــه مـــــا بها بخاس = الى جبت جابه لا تجــي بالعنادي
قـــرايـــه لها ماهــــر وللحــــرب فراس = بامشي على طرقي وغاية مرادي
شليويح
علامك تــــريقــد وانت مــــا حولك نعاس = انا ضيفكم ما نشت راس الزنادي
تــــرا العارفه يمشي علـــى الفكر بقياس = هدومـــــي جداد ولك هدوم جدادي
عبدالعزيز
انا اقـــول مـــــا للسالفه حس واضراس = ولا ضيـــــع المكروه حق الزبادي
ابا العلـــم قبل يفــــــوت وايقن بالافلاس = ابا الكشف والتوقيع قضب الايادي
شليويح
تعرف المعانـــــــي وانت بالبحر غطاس = عسى النار حيه ما غطاها الرمادي
تراها شريفه مـــــــا تجي حول الادناس = وانا قانصٍ بالحــــــــر وقت الهدادي
عبدالعزيز
انا سابقــــي تاخذ مـــــع القوم مرواس = الـــى جا نهــــار فيــه قطع الحدادي
ولانــــي علــــــى غرات الاجواد بلاس = وانــا خايف حــــــي عليه اعتمادي
شليويح
اشوفك حمست البن في وسط محماس = نبيها سيـاســــــه مـــــا نبيها طرادي
وانــــا مـــــا تخيـــرته بقطاع الارماس = تــــراك العقيـــــد لمقرعات النوادي
عبدالعزيز
علــــى النور يـــا شليويح بالليل كباس = وانا يــــوم اقول العلم ذاك اجتهادي
قضى الليل مــا باقي حذا دق الاجراس = ســــرينا بعلــم زين والــــرب هادي
شليويح
تعرضنــــي الظلمـــــا وبالليــل طلماس = علامك تسوي فــــي طريقي حوادي
ومـــن يعمل المعروف بالضيف لاباس = وحقه بياض ولا يجيـــــه السوداي
2007, 10:05 PM
المواضيع المتشابهه
العرض العادي
