نصيحة من أب لإبنه من روائع ابو ماجد

[سليمان الخطيب]

هذه قصيدة لشاعرنا المرحوم علي بن عبد الرحمن الماجد (ابو ماجد)
وهي عبارة عن نصيحة يوجهها إلى إبنه الوحيد ماجد رحمهما الله
عشر نصائح غالية ثم أتبعها بنصائح أخرى لا تقل عنها غلاء

يا ماجد اسمع حامض العلم كله=دامك صغير وكل شيء مقبل له
أخاف من يوم الفنى قبل أوصيك=علم الى يرفت به في محله
وانا على الله رقيب بما اقول=بمسجل معقول ما هوب منقول
عدّو إن كان انه الى جاك مقبول=وإن كان ما ناسب وانا ابوك خله
الأوله لاحظ لحظ تناله=أسباب ما ينفي طريق الكساله
إن كان ما نلت العلا بالسهاله=لايعجبك نوم الضحى بلا ظله
والثانيه حرك للأرزاق الأسباب=وبلا سبب ما ينفتح لك ولا باب
تراي انا يا بوك من يوم انا شاب=عزيت رأسي عن مقام المذله
والثالثه خلك قنوع بما جاك=ترى القناعه هي غناتك بدنياك
ولا تناظر رزق ذولا وذولاك=ما ينفع الرجال شن ما حصل له
والرابعه عامل هل الجود بالجود=بالجود تدرك كل شف ومقصود
ترى السلف عند الأجاويد مردود=ومن لا احتمل لرضاك لا تحتمل له
والخامسه جد لا وجدت القرابه=إلى اقتدرت فكل احسب احسابه
ترى السعيد اللي لجيب جنابه=والنفس يبسطها على اريح أجيله
والسادسه لازم على جيرة الجار=دخلك على ما جاء من الجار صبار
ترى إحقوق يلزمنك ولو جار=اومح خطايا الجار وأصفح ارضا له
والسابعه للضيف عندك كرامه=طلق الحجاج وشيمته واحترامه
ترى الكلام الزين ملحه طعامه=ولا تبين له لو ابطا ممله
والثامنه دور لنفسك ابطانه=يرويك مما المعتكا والليانه
لما تخرس بالذكا والذهانه=والميز كان انك بغيته يدله
والتاسعه غلق صناديق سرك=لا تبدي أسرارك لمن يستفزك
اربع طعش قرن اصح له لا يغرك=ترى هله ما هنب يرفون خله
والعاشره عش في لياليك مستور=واركب احصان الصدق تظهر علي النور
واحذرك لا تشهد شهاده وهي زور=والحق لا منه لحق فانضغن له
واحفظ جناحك واحترم والدينك=واصبر ولو جار والله يعينك
ودنياك لا تلهيك عن درب دينك=احسب حساب محاسب الخلق كله
ولا تبرقع في حياتك عيالك=خله تبيع وتشتري في حلالك
لو الخساره ناوشت رأس مالك=ترى الولد ما حاشت اليد فدا له
وإن كان برقع الولد بار بيدك=يصير سكه باطله ما يفيدك
الا ومع ذا ينقصك ما يزيدك=يمل منك وخير مالك تمله
وأخوك لا تضغط عليه وتضره=عضيدك اللي مستقره مقره
يلزم عليك بكل حال تبره=لاصار مركا لك فصر مسند له
وإن كان ما وافق اعسافك اعسافه=فلا تحسف به ولو هو احسافه
لا صار يبني لك سهوم الكلافه=ان كان ما قال اطلب الله فقل له
والنفس هنها دام توه عسيفه=تعير عند الربع مثل الطريفه
وأكبر حظك كان نفسك خفيفه=وان كان هي كبرت بشيرك بقله
والى بغيت تصون عرضك بجيزه=فاحرص على ارباب النفوس العزيزه
ترى الفخر للي يعرف الخزيزه=يبخص فلانه قبل معزاب بله
ولا تكلم كلمة ما لها روح=تعير بعيون العرب تقل زرنوح
هذا من الأسباب مانيب هاديك=يا ماجد إسمع حامض العلم كله

[عاشق حمد المغيولي]

يلزم عليك بـكل حال تبره **لاصار مركلك صر مسندن له
الله يرحمــك يابو ماجـــد
تسلم ايدياتك ابو خطيب