فراق الدهر هبت له رياحي

[روح التميمي]

فراق الدهر هبت له رياحي = سعت بفراق من فارق وراحي
تحققت الخبر وامسيت كني = صريع شاربٍ له كاس راحي
ورثت احزان يعقوب بنوحي = سلفت واحييت عصره يوم راحي
يزج الدمع من فرقاه يوسف = اطال النوح لين انحا وطاحي
انا فارقت لذتي وذاتي = تكدر دهري الصافي وراحي
زعجت الياه وين اهل السوابق = اهل عطرين نسمات الرياحي
الا ياركب دنوا لي قلايص = مراحيل مراسيل الطلاحي
مراديل علاكيمٍ همايم = تجاذبنا التغاري واتناحي
قلايص بزلٍ عوض هوايع = هميماتٍ بعيدات المضاحي
الى اقفن كنهن جول نعايم = بين اريام دمثات المداحي
فيوم اصحيت من خمر السكارى = وشفت اهل النجايب قلت انا حي
مراحيلٍ بغوا غاية مرادي = بطاريهن يطرون الرواحي
فجاء الرسول يندبني وينخى = يقول الركب صاحوا بالفلاحي
زعجت الياه وين اهل النجايب = بعالي الصوت واومي في شلاحي
الا ياركب عوجوا لي عجال = اسطر في سطر طرس الطلاحي
افيق ان كان لي فيكم رفيق = يكون منورٍ قلبه وصاحي
يفيض ابكارٍ غميقات المعاني = بفكرٍ قاصرٍ عنه امتداحي
احملكم سلام من ولوهٍ = شفق عدد صحاح الضواحي
لطيفٍ سايغٍ الذ وأحلى = على العطشان من سح البطاحي
الى طفل قطف نوار عمري = وجاز الود بعده والسفاحي
قولوا له بعد نشر السلام = بلطف واخبروه يكون صاحي
لودٍ سابقٍٍ بيني و بينه = وعهدٍ سالفٍ قبل التناحي
فلا واللي سمك سبعٍ عظام = ونزل بالملك كتبٍ صحاحي
فلا جسم بلا روح يعيش = محال ان كان هو زل المزاحي
فكيف الطفل يسلى عن غادٍ له = جري التجريب عن كثر اللحامي
الا يا عزوتي عزوا عزيز = قتيل الشوق مكفي السلاحي
ومن رام الهوى ما رام مثلي = عنودٍ عينها عين المياحي
تخنطل باطلسٍ كنه الى ما = تمايل به تذل من الطياحي
تميل وتنثني عني بعطفه = الى مال الغطا عنها وطاحي
كشمعة مولعٍ في جوف صافٍ = من البلور محلى الصفاحي
الا يا عاذلي يخفاك حالي = كما انك دالهٍ نومك صطاحي
على نسل آدم منتب وكيل = كفاك عيوب نفسك لا تلاحي
تصبحني بعذلك كل يوم = صباح الله قبل هاك الصباحي

[عنيزاوي مغترب]

صح لسانك والله يعطيك العافيه
اخوي روح التميمي