وهـنــا ,,
طـرق بين الشاعر احمد الناصر الشايع وعبدالعزيز الحمد البادي ( رحمه الله ) ...
احمد
يــــا اهل الملعبه سوق الغلا جلاب = سيـــروها تسيـر بـدبـــــرة الوالي
كل واحد يحسب للـــــــزمان حساب = والمعانـــــي جـــــداد ريال بريالي
عبدالعزيز
الليــــال تــــدور وتـبـــــرم الاسباب = والمعانــــــي لها فـــــاتل وحلالي
درّج السالفــه يفتــــّر لــــــه دولاب = واذكر العلـــم الاول واذكر التالي
احمد
يـــــا رجال المعرفه تــو كيفي طاب = يوم دار الفلك من حالي في حالي
مسجد العيد به للـــي خطب محراب = وش يقــول المطوع طيــب الفالي
عبدالعزيز
مـــا نحب انتـخطـر ديــــرة الاجناب = والمسافـــه بها ممسى ومقيالي
مـا يقوله يا كود اللي وقع منصاب = ان لفــوا من نكيف القوم زعالي
احمد
يالله اليوم لا تتكل علــــى الاسباب = ما مع الناس كود اعمال وافعالي
العرب تفهم الصادق مــــن الكذاب = وانت رجـــــــال هـرّج كل رجالي
عبدالعزيز
خابر الطير مـــا يفرس بلا مخلاب = والليالـــــــي لهن اقفاي واقبالي
مادري ويش حيّر راعـي المعزاب = والشريطي يـبـيــــــع بغير دلالي
احمد
وانت يابو حمد من صاحبك مرتاب = والجمل مــــا يسير بغير جمالي
ودي العب وسوي للمعانـــي باب = باب واسـع بـــــه العربان تهتالي
عبدالعزيز
يــوم رجلك تعـدي نايف المرقاب = مد شوفك وحقق شوف الازوالي
خابر مـــــا علي ولا عليك عتاب = مــــا نطاوع بعرفك هــرج عذالي
احمد
انت اشوفك تهدد بام نص خشاب = طبعنا مـــا نهوز الصاحب الغالي
انت رجل فتون وفي يدك مشعاب = والسلامه عساها منك تبرى لـي
2007, 10:15 PM
المواضيع المتشابهه
العرض العادي
