بسم الله الرحمن الرحيم
الجمال الخيالي
أنَا اللِّي هِمُومي بالضِّمايِر لِهِنْ لَجِّه=كِمَا لَجِّةَ الضِّيَّان بِوْقُودَها السّاجي
هَبُوَب المِشاعِر فُوقَها اليوم مِنْهَجِّه=تِلَظَّى ولَو هي بِين غِبَّاتَ الاَمْوَاجي
تِوَقَّدْ لِهِيبٍ بالحشَا ثايِرٍ عَجِّه=شرايِين قلبي تِلْتِمِس كِلّ ماهَاجي
إلى ذِقْت من لاهُوبَ الاَشْواق لي سَجِّه=تَهَاوَتْ ضِلُوعي بِين مايِع ومِنْعَاجي
على اللِّي رِسَم لي صُوِرِته وِينْ مَاوَجِّه=خَيالِه بِشوفَ العِين في كِلّ مِنْهاجي
غَلبْني جِمالَ الذُّوق حِجِّه على حِجِّه=يِمِدَّ القِمَر بالنُّور في لِيلِهَ الدَّاجي
أناجِيه بَافْكَارٍ على البِعْد مِحْتَجِّه=وَادَارِيه حِيثِه في كِنِينَ الحشَا لاجي
على نَارْ قَلْبي في مِحِيطَ الهَوى لِجِّه=عَجايِب غَرَامِك سِحْرْ يالابِسَ التَّاجي
مَعَ اللِّي هَواهِ جْنُونْ ماعَادْ لي هَجِّه=أَعَاني مَعَانِي ضِحْكِةَ الهَمِّ بِحْجَاجي
أبوزياد
1402هـ
2007, 07:16 AM
المواضيع المتشابهه
العرض العادي
