لغز جديد

[روح التميمي]

ماش أشوف هالصفحة ميتة , لكن تدرون أبحييها بهاللغز اللي كتبه التميمي محاتسيكم قبل أربع أو خمس سنوات ونشره طير شلوى الشاعر والمشرف على صفحة الألغاز بجريدة الرياض الأستاذ/ عادي الشمري , بقول :

أنشــدك عـن بنـت صغيـرة خـفـــيـفـه . . . له في مجال العلم شان ومقدار
تركض على أرض عكس لونه نظيفه . . . وتفني حياته بالتمشي على جدار

بالله حلوه .

[@ابو فهد@]

السلام عليكم ورحمة الله وبركاته..اما بعد

والله انا اطلعت على اللغز وودي اقولك شي بس اخاف تقول وش هالمغرور


وبصراحه انا من اول وهله حليت اللغز تدري اني ذيب بالفطره


0

.................(((((((((( «®°·.¸.•°°·.¸¸.•°°·.¸.•°®» المــســـــــــــــــاحــــــــه«®°·.¸.•°°·.¸¸.•°° ·.¸.•°®»)))))))))))........

تلقاكم تقولون هالحين وش هالذكي ذا ودي اصير مثله ودكم ولاكم انا

[روح التميمي]

الحقيقة يابو فهد إنك ذيب أمعط بس منتب تعوي !! وشلون عرفت الحل !! تدري دور غيره حلك غلط ! خخخخخخخخخخخخ !!!

[عطاشا]

حي الله التميمي

وخذ مني هالرمعه ( الريشه )

[يزيد]

البطييييخه

على قولة عادل إمام

[روح التميمي]

هلا والله بعطاشا وييييين الناس من زمان ما سمعنا لك صوت عسى المانع خير ياخوي ! وبعدين ومع احترامي حلك غلط , لأن الريشة ما تفني حياته بالتمشي على جدار !
يزيد . . هلا والله وغلا . وين ياخوي . . البطيخة !! مالومك , الظاهر إنك لاب(ن) لك سيدلانة من الحجم الثقيل من سيدلان السر !!

[عطاشا]

مالومك , الظاهر إنك لاب(ن) لك سيدلانة

شجرة اللب لاب او النبات المتسلق

[السمسار]

يمكن .. مــسًّــاحة السبورة ..

تحياتي لك ..

[روح التميمي]

ما لك لوا يالسمسار . . المساحة ما ينطبق عليها الشطر الأول من البيت الثاني . وزيادة في الإيضاح أعطيكم هالبيت :
أنشــدك عـن بنـت صغيـرة خـفـــيـفـه . . . له في مجال العلم شان ومقدار
تركض على أرض عكس لونه نظيفه . . . وتفني حياته بالتمشي على جدار
وما تركض إلا وسط خمس عنيفة . . . وإلى تبعت آثارها تلقى الأخبار

[قلب]

السلام عليكم.........
عنديلكم مرماع عله يصيب او حوووله...وهو.....(المسطره اللي يشرحبه المدرس)

[YsOrI]

عنديلكم مرماع عله يصيب او حوووله...وهو.....(المسطره اللي يشرحبه المدرس)

معرووووف يالمسيمري

[روح التميمي]

لا والله وما لك لوا ياقلب وأنت مثل ما قلت حوله . الخاطوف . . كيف الحال؟

[دمعه]

.........
عنديلكم مرماع عله يصيب او حوووله..

بالخير شكلك حاضرن سنة السبله على الهروج يالخرطه ""


أخوي التميمي تصلح ملعقة السمنت أو مساحة السمنت حقت الجدار ""

[روح التميمي]

الحبيب . . دمعة
لا والله ما تصلح ! البيت الأول يقول (له في مجال العلم شان ومقدار) .

[السمسار]

إلى هالحين انتم .. :)

[عطاشا]

مارديت علي يالتميمي

شجرة اللب لاب

[روح التميمي]

الظاهر إن مكينتك يا عطاشا خلطت الزيت مع الماء !! . . شجرة ( اللاب لاب )!!!
وبعدين > لاب(ن) لك سيدلانه , يعني بالع لك جحة كبيرة مخلفة تفكيرك , من : لب ـ بتشديد الباء وتفخيمها ـ يلب . أنا أدري إنك تمزح بس قولك ما رديت علي يمثل حالة بين الجد والمزح ! تحياتي لك

[روح التميمي]

السمسار . .( إلى هالحين انتم .. )!!
ياخوي هذا لغز وش تحسبه ! وبعدين الربع حاطين هالموقع مكشات لا والله أردى من المكشات , حاطينه ـ للأسف ـ ممر , يعني يويقون وهم عجلين ويروحون , والسنع منهم اللي يجدع له كليمتين من جنس ( الله يعطيك العافية ) ويمشي !! ما أدري وش القصة ! تحياتي لك

[روح التميمي]

أبوفهد . . صحيح إن مشاركتك قديمة , وتم احتواؤها مبكرا! إلا إني توي أشوف عباراتك المرحة , الظاهرة والمخفية , وخصوصا (ودكم ولاكم انا)! وتذكرت رفيق لي قديم اسمه عزوز ال. . . دايم يردد ( فرح إنك تعرفن ) وهي مثل عباراتك عسى مهوب أنت عزوز ؟! تحياتي لك

[دمعه]

يابنااااخي معليش بس ودي اوضح ..

حقين السمنت اللي يليصون ويبنون ... يسمون معلمين هذا اللي خلا ارمع عليه ...

[روح التميمي]

هلا بالغالي ابن لآخينا (دمعة) . . معك حق وإن كان معلم السمنت مهوب داخل مزاجي . . وعلى فكرة جابك الله . . تذكر مرة طلبت ترسل لي رسالة خاصة أو علو الإيميل ولا رديت عليك ! . . ترى المسألة مهيب حقران حاشاك يابن عمي , لكن القصة إني كل ما جيت أدخل على ملفك أو ملف غيرك طلع لي رسالة تقول لا يحق لك الدخول كني أجنبي الله يدفع البلا ! ويبدو إن اشتراكي يحتاج إلى تفعيل وأنا بيني وبينك عليمي بالكمبيوتر , وبعد كل هالمشاركات ما يحق لي ! أو يحتاج إلى تفعيل , وهذا يذكرني بمارادونا يوم صار عمر بناته سبع سنين تزوج أمهن !! شف لي حل وأنا أخوك وإلا شديت كان الربع ما يبون عضويتي . وأخيرا أدعوك إلى قراءة مشاركاتي في مجلس ابن قاضي في منتدى عنيزة باسم (روح التميمي ) والدعوة للجميع ولك تحياتي .

[دمعه]

الف شكر لك على هذا الاطرااااء ...

وماتصل مرحلة الحقران وش دعوى مهب بيننا ...

وبانسبه للرساله كنت بوقته ابيك والحين بردت السالفه ؟؟؟

مشكوووور للمره الاخرى .. ودعوك ووصلت ..

[روح التميمي]

الغالي . . دمعة
كل عام وأنت بخير
وشكرا للتوضيح , وأبشرك أن ما شكوت إليك منه في تغليقي السابق قد , فلك ولمن أزال المشكل مني كل شكر وتقدير واحترام .

[عطاشا]

الطباشورة

وخلاص ماعندي رمعه[u]

[روح التميمي]

ما لك لوى يا عطاشا .

[روح التميمي]

عفوا ياعطاشا حسبتك تقول الريشة . . الطبشورة صح عليك !! آسف .

[YsOrI]

احلاااااااااااا عطاشا بس من الي معلمك ولا انت من جنبه

[عطاشا]

تخصص الغااااااااااااااز

[بقايا ش و ق]

الصزز ادري بس منب قايل

[دمعه]

ورنا ركضك بالسروال اللغز الجاي يابقايا ش و ق

[نوووره]

<<< داخله وهيا مغمضه عيونها ;)

لوووووووووول

ايش اللغز وربي مافهمت شي كيف تجي طبشوره :10:
؟؟

فهموني :(

[الغزال الملثم]

السلام عليكم بالخير ياجماعه مساكم الله بالخير.....
على مايبدولي انه...السمه حقت القلم......
................................................
والله يعطيكم العافيه..

[الغزال الملثم]

بشر وش صااااااااااااااااااار ....عليك......
هو ولا لا..
...

[روح التميمي]

هلا والله بالملثم .. وآسف على السهج !! أنا ما ادخل إلا قليل من تالي لأن بعض الربع وخصوصا شلة بني ماسون ما يعبرون أحد !! هه هه هه .. وبالنسبة لحلك الظاهر إنك وانا خوك صاك(ن) القزاز .. ومالومك لأنك متلطم فك اللطمة وتشوف زين .. اللغز حله عطاشا عقب ستمية محاولة !! شف حله وتعقيبي عليه قبل سؤالك بكم مشاركة. الحل ( الطباشيرة ) وعطاشا يتدلع ويقول الطباشورة يعني إني متمدن !!