دقيت باب الهوى

[ماجدونا]

دقيت باب الهوى بالطار = بالخمس بانت مضاريبه
نابان مخلف ظبي الدار = ريف المعاطيش واطيبه
ظليت حاير وهو محتار = وده وانا مثل ودي به
لولاه جنه ودونه نار = ما شق راع الهوى جيبه
قفيت ساند وهو حدار = مدري وش الله يسوي به
واكبر غبني ثلاث ادوار = مقطوع ما قام حظي به
ثنتين منهن مع التيار = والثالثه حاشت الخيبه
والله لولا الحيا والعار = واخاف الانجاس تدري به
لقول نوّ ابمزنة سار = غزلان رامه تفلي به
ياما بحكم الهوى يندار = يدير قلبي واغني به
منزل هوى ما عليه ستار = هبايب الريح تومي به
يا ليت قلبي عنه صبار = وادواه عندي واعيي به
ولا كتب لي كتبت اسطار = ما كني افرح واهلي به