يا بعد عمر نورة

[روح التميمي]

الى ابنة اختي/ نورة



يا احلا البشائر.. يا بعد عمر نورة=اسمك على اسمي.. يا بعد كل غالي


يا ازكى نسائم ها لوجود.. وزهوره=من بسمتك حتى زماني صفا.. لي

بدر السماء يا نورتي.. صار صورة=لك يا شعاع النور.. وهج الليالي

يا بهجة الخاطر.. وصادق شعوره=يا كثر شوقٍ يا الغلا لك طرا .. لي

كلما اخذني هاجسي في ابحوره=او ضاق صدري.. صرتي انتي .. دوا .. لي

الشوق يسابقني لكم في حضوره=كل ما اجي لك.. طاب يا النور فالي

لوالدينك قدر.. وانتي فخورة=في كل اهلك.. حايزين المعالي

انفوسهم وقت الصعايب.. جسورة=اهل الوفاء في كل حال .. ومجالي

اهلا وسهلا.. مرحبا بك يا نورة=يا بسمة الدنيا.. ويا راس مالي

الحرف اعلن في قصيدي اسروره=يرعاك رحمن .. عزيز الجلالي