نبا الذيب يلعب

[حمد البادي]

نبا الذيب يلعب ون تعذر يجي صاهود=وغير الثنين . ابليز . بردون . مابدي

نبا اللعب حامي كنه الملح والبارود=وانا قد ميقاف المعرفه وهو قدي

[(الذيب)]

السلام عليكم ..صح لسانك يابوعزيز


يهرج انجليزي ياماشاالله عليه حمود=وانا احسبه باولى صد من ضمن من صدي

اظنك تبي تاقع مثل وقعة النمرود=وهات العلوم اللي تبا واستلم ردي

[صاهود]

عاشو ياسلام

صح لسانك ابو عزبز

صح لسانك الذيب عدل

[حمد البادي]

وعليكم السلام ابو.............. هههههههههههههههه

وشفيه المنتداء وقف قبل اشوي ما قدرت ادخل

على العموم صح السانك ولا تهون



اهرج إنجلش وانفض طبوق الدبر والدود=ولا قد نقص بالوقت صاعي ولا مدي

وياذيب جالك يومك الآخر الموعود=عليك البحر غضبان بالجزر والمدي

[صاهود]

صح لسانك ابو عزيز

لا تقل الموقع زان شوي ولا توا والله بغينا نخلف والوجهه عيا يفتح الماخوذ

[(الذيب)]

حياك ابوعزيز.. صح لسانك..ياخوي المنتدا ثقيل المشكله نفسه هي عندك


تراها لغه ماهيب لك والرجال شهود=قضى العمر بين الحرث والزرع والكدي
الى متً دون الحق عداني المنقود=وانا من وعيت العلم مامال بي شدي

[حمد البادي]

هلا والله اخوي صاهود

وصح بدنك طال عمرك

[صاهود]

عاشو ربعنا عندك يابوعزيز

[حمد البادي]

صح السانك يالذيب

ياخوي اذا بغيت احدث الصفحه يقفل .ماهوب ثقيل بس

علموا الاستاذ روح التميمي



صغيرٍ على الميدان يالحاشي المفرود=ولابد ما نبحث خفاياك لابدي

عليك الرسن واطغتك نفس الرهى والزود=وراس الجمل يمك بعين الغضب لدي

[(الذيب)]

صح لسانك..


تراني ليا دارت رحاها قوي زنود=يوم ان ابن بادي ماخذا الحق متردي
تقوله عقب ماشفت علم الليال السود=وراس الجمل خله بمفلاك وتسدي

[صاهود]

الله الله عاشو

[حمد البادي]

ماهي عادتك ياذيب ياللي تفيد الفود=تغر العلوم وتترك الدرب وتصدي

وسيع المدارك مانت سطحي ولا محدود=وعين الدليله لا تجنب عن العدي

[صاهود]

ماهي عادتك ياذيب ياللي تفيد الفود=تغر العلوم وتترك الدرب وتصدي

وسيع المدارك مانت سطحي ولا محدود=وعين الدليله لا تجنب عن العدي

عاشو ياسلام صح لسانك

[(الذيب)]

صح لسانك


على خير هبي بالسعد ياهبوب النود=علامه يعد الظلع قدام لااعدي
لك الديره اللي بين ضلعين ورث جدود=تمسي بحدك مثل مامسيت في حدي

[صاهود]

[quote=(الذيب);48339]

[

[صاهود]

على خير هبي بالسعد ياهبوب النود=علامه يعد الظلع قدام لااعدي
لك الديره اللي بين ضلعين ورث جدود=تمسي بحدك مثل مامسيت في حدي

يا سلام الله يعافيهم

[حمد البادي]

تركنا لك الغارب عليه الحبل ممدود=وها الحين إخذ لطمه علي العين من يدٌي

ولا عاد لك منهاج في ريعنا المسدود=طوينا ملفك واحزم العفش ياجندي

[صاهود]

تركنا لك الغارب عليه الحبل ممدود=وها الحين اخذ لطمه علي العين من يدٌي

ولا عاد لك منهاج في ريعنا المسدود=طوينا ملفك واحزم العفش ياجندي

ههههههههههههههههه ياسلام عاشو ربعنا اللعبو

دخنا من التعليق

[(الذيب)]

صح لسانك.. الظاهر المنتدا على ديزل


تبي تبحث السكين وحظك المقرود= على ذبحتك ذا الليل ودي ولا ودي
عطوك الخطام ولا حصل غبها مردود=تسوي لك امن الناس عبر الفضاء ندي

بيض الله وجهك اخوي حمد والله ان اللعب معك مايمل ولنا الشرف
ولكن بيك تسمح لي والله اني تعبان وماكان عندي نيه اطلع بس شفت الوسيمه وقلت ماني مخليها وترا كله مزوح واللي بالقلب تقديري واحترامي
وما يجهلك اللعب..ولنا لقاء ....وحط ردك ابشوفه وبعده تصبح على خير
لك خالص شكري

[صاهود]

تبي تبحث السكين وحظـك المقـرود = على ذبحتـك ذا الليـل ودي ولا ودي
عطوك الخطام ولا حصل غبها مردود = تسوي لك امن الناس عبر الفضاء ندي

با سلام

[حمد البادي]

وانت من اهل الخير اخوي الذيب كلنا نبي ننام

صح السانك وما قصرت

وتصبح انت واخوي صاهود وكل الموجودين على خير

[صاهود]

ماقصرتو هذا والله اللعب الطيب

صح لسانك ابو عزيز عزالله انك شاعر ولد شاعر

لا تحرمنا من المشاركات ترنا نطمع بشي كثر منك طال عمرك

و ليلة مباركه ونستونا الله يعافيكم

[حمد البادي]

صح بدنك شاعرنا صاهود

ولا عليك زود

والوسيمه عندك بانتظارك طال عمرك

[ssssss]

صح لسانك ابو عبدالعزيز وصح لسانك الذيب
والله قمه بالابداع امتعتونا بارك الله فيكم ولاتحرمونا من التلذذ بمحاورتكما
لكم شكري وتقديري:32:

[صاهود]

هههههههههههه اما شاعرنا هذي كثر منه هههههههههههه

انا هسبوع ماقدر اسهر يالله السبوع اللي يجي

مير عندك ابا السمح استاذنا وكلكم ماشاء الله عليكم نتعلم منكم

[حمد البادي]

:33: تسلم والله اخوي

ssssss

هذا من حسن ذاتك وطيب ذوقك وحسك المرهف

الله يمتعك بالصحه والعافيه