روح التميمي
2007, 10:45 AM
وهذه محاورات مجالسية مع صديقه الشاعر حمد العبدالعزيز البادي (انظر ترجمته في هذا المتدى)
فقد كان عبدالله رحمه الله يسيّر عليه ويكون بينهم بعض الطروق مثل هذا الطرق
حمد
ضاق مجرى النفس والصدر ضايق ... والمعسل ذبحني قبل يومي
ليتني طعت ابوي اللي نهاني ... ماعصيته وسرّيت الندامه
عبد الله
ياحمد لك ليالي منت رايق ... صار صدرك مدالٍ للهمومي
بعد ما أحرقت صدرك في ثواني ... لا تدور من الجمره سلامه
حمد
الجهل حاجبٍ عنّ الحقايق ... واحسب ان الشباب إليه يدومي
ماتنبهت لين انحى زماني ... وش تفيد الحسوفه والملامه
عبد الله
لاتضيع شبابك في دقليق ... وانت مالك ورى ذبحك لزومي
يوم اشوفك تقول الموت جاني ... قلت اخويه حمد مدري علامه
حمد
كل نفسٍ لها شاهد وسايق ... لو تعلا على روس الرجومي
وكل مقبل مع الايام داني ... مير يالله في حسن الختامه
عبد الله
لي عليك وعلي ربعك وثايق ... يشهد الله وخلقه والنجومي
فاقدٍ عشر وادور ثماني ... مار جبها قبل يوم القيامه
حمد
لايعوقك مع الطاروق عايق ... ثم ازورك بمستشفي الجمومي
ما غدالك بعير ولا حصاني ... وابلع العافيه يابو عمامه
عبدالله
يابن بادي ترى موتك موايق ... كيف تفطر وجيرانك تصومي
رب شعبان هو رب ارمضاني ... مار موعدك فالقبر وظلامه
حمد
قاسم الرزق خلاق الخلايق ... زيد معطى وزيدان محرومي
جاني الرزق وانا في مكاني ... وأنت حدك عن الرزق الرخامه
عبد الله
مامعك حل في كل الطرايق ... لاتحرج ترى محدٍ يسومي
ادفن البير واعذر فالسواني ... صاحبك كل شيٍّ باستلامه
حمد
لو تحذف علي القوم البطايق ... منت مستدرجٍ غير الرخومي
يوم خارت عظامك يالهداني ... دس راسك كما راس النعامه
عبد الله
لك حسابٍ نهار الحشر لايق ... وابشر انك على النار معزومي
لا تمنى علي الله الاماني ... وانت شرع الله تحلل حرامه
حمد
كان ما جزت ذوقتك ذوايق.لين تمشي علي روس البهومي
لو تعزوئ بدعجه وادعجاني.مانت راكب شداد ولا مسامه
فقد كان عبدالله رحمه الله يسيّر عليه ويكون بينهم بعض الطروق مثل هذا الطرق
حمد
ضاق مجرى النفس والصدر ضايق ... والمعسل ذبحني قبل يومي
ليتني طعت ابوي اللي نهاني ... ماعصيته وسرّيت الندامه
عبد الله
ياحمد لك ليالي منت رايق ... صار صدرك مدالٍ للهمومي
بعد ما أحرقت صدرك في ثواني ... لا تدور من الجمره سلامه
حمد
الجهل حاجبٍ عنّ الحقايق ... واحسب ان الشباب إليه يدومي
ماتنبهت لين انحى زماني ... وش تفيد الحسوفه والملامه
عبد الله
لاتضيع شبابك في دقليق ... وانت مالك ورى ذبحك لزومي
يوم اشوفك تقول الموت جاني ... قلت اخويه حمد مدري علامه
حمد
كل نفسٍ لها شاهد وسايق ... لو تعلا على روس الرجومي
وكل مقبل مع الايام داني ... مير يالله في حسن الختامه
عبد الله
لي عليك وعلي ربعك وثايق ... يشهد الله وخلقه والنجومي
فاقدٍ عشر وادور ثماني ... مار جبها قبل يوم القيامه
حمد
لايعوقك مع الطاروق عايق ... ثم ازورك بمستشفي الجمومي
ما غدالك بعير ولا حصاني ... وابلع العافيه يابو عمامه
عبدالله
يابن بادي ترى موتك موايق ... كيف تفطر وجيرانك تصومي
رب شعبان هو رب ارمضاني ... مار موعدك فالقبر وظلامه
حمد
قاسم الرزق خلاق الخلايق ... زيد معطى وزيدان محرومي
جاني الرزق وانا في مكاني ... وأنت حدك عن الرزق الرخامه
عبد الله
مامعك حل في كل الطرايق ... لاتحرج ترى محدٍ يسومي
ادفن البير واعذر فالسواني ... صاحبك كل شيٍّ باستلامه
حمد
لو تحذف علي القوم البطايق ... منت مستدرجٍ غير الرخومي
يوم خارت عظامك يالهداني ... دس راسك كما راس النعامه
عبد الله
لك حسابٍ نهار الحشر لايق ... وابشر انك على النار معزومي
لا تمنى علي الله الاماني ... وانت شرع الله تحلل حرامه
حمد
كان ما جزت ذوقتك ذوايق.لين تمشي علي روس البهومي
لو تعزوئ بدعجه وادعجاني.مانت راكب شداد ولا مسامه