عسى عسى لي بالأسى

[روح التميمي]

عسى عسى لي بالأسى


عسى عسى لي بالأسى يبعد الأسى=يغطي خطا امس يطمس الشمس ساتر
( )
فِجا ما لجا بي داج في لاجي مهجتي=رجيته رجا رجوى رجا راج طاير
( )
بالاقدار دار يدير الأفكار دالبي=كما فرّ دولاب الدواليب شاطر
( )


اسايل رسول الرسل يرسل رسايلي=كما أني أسير بالمعاسير حاسر
( )
لاهل عوج هوج الهجن والوجن بالعجل=[عجالي] عجال قدر فنجال صادر
( )
على علاكيمٍ وهجنٍ همايم=هميمات همّاتٍ حداد النواظر
( )
هجن هجاهيج مناهيج إلى واجهت=تزوم طمع قطع الحزوم الدعاثر
( )
مناجيب أنا جيب المواجيب واجبي=على من تعلّى الكور فرضٍ يبادر
( )
يا الأرسالِ (يامْروس) أربعو روس عوصِكم=من الضيق أفيق فلا يرى الفكر خاطر

( )
اسجل بتسجيل السجنجل سجلّتي=أزجّه بزاجٍ من مجاجَ المحابر
( )
سطر (الططر) طرس القراطيس والوطر=خطر من فوادي مثل زجر الزواجر
( )
بسلامٍ تسلسل من سلايل مسايْل=بالأرسال سال بسر الأسرار ساهر
( )
سلامٍ خضوعٍ في وضوعٍ مضاعف=لف بالف ألف يلف الولف باهر
( )
تحيات حيٍّ عدة الحي والحيا=تلالي تليليه ائتلال الجواهر
( )
مطيفٍ لطيف من ظريفٍ ينمقْ=نور بفناره نور نار المشاعر
( )
فلما انتهى يهدى إلى منتهى البها=صِفيٍّ صفالي بالتصافي مْعَاشر
( )
فهو سِيْد ساداتي وقادات مهجتي=حبيب رحيب عن ربا الريب طاهر
( )
نشا بالهوى شاه المها شارق البها=كما غصن موزٍ مزهر فوق ساهر
( )
طفل لطيف لي عطوف إلى طرت=طواريه طيّرن الدموع المحاجر
( )
إلى سال عن من سال عنهم ولا سلا
طوى الياس وامسى حاسر الجسم ساهر
( )
قولوا ولو طال النيا وابعد المدى=تراني على العهد الذي كان خابر
( )
نهاري جليس مسجلاتي وبالدجى=جليس الجواري الساهرات الزواهر
( )
أجول ولي قلب خجول موجّل=سقيم مقيمٍ بي وهو لك مسافر
( )
لَكِنّي بروجات الهواجيس إلى أوجهت=غريق بلِجّات البحور الزواخر
( )
تجلجل بلاجي لجة الموج والتجا=على جال جنب جامد الصبر عابر
( )
فلو كان لوّا ثم تولت ليتني=لداع الوداع اني مجيب مبادر
( )
اعلل عليل علته على عرفها=من شف إشافيها بشافيه قادر
( )
فلو بلبلوا بالي عْذَالي وعالجوا=فأنا فيه ألاوي منكر الشوق باير
( )
ولا لامني إلا لئيم بلامها=علامي ألاوي لايم غير عاذر