وين انت

[خالدالرميحى]

نشدت عنك نجوم نجد ونسيمة
ومن صاطع القمرا تحريت الاخبار
ونشدت عنك مع السما كل ديمة
ورحت استشف العذب من همس الازهار
ومريت بأطلال القصور القديمة
اللي بها سجلت اناونت تذكار
انشد وادور والاجابة عديمة
لاصوت جاوبني ولا دار دوار
ورجعت ازايم عبرتي والهزيمة
مكسور خاطر بالغ الحزن منهار
وين انت ياتوم الحياة اليتيمة
فوق الثرى والا عليك الثرى ثار
كان انت حي وفي ظروف سليمة
عزالله انك جرت يوم الزمن جار
ماتدري ان الهجر ضلم وجريمة
وان الجفا في حق راعي الوفا عار
وكان انت ميت فالمصيبة عظيمة
الدمع مايكفي ولو صب مدرار
ياللشقى ياللقهر والهضيمة
ياللعذاب اللي بدا معي مشوار
تصبح حياتي كلها دون قيمة
ونور " الامل " في ناضري ينقلب نار

الاعلامي والشاعر عدنان الدخيل

[ياسر التميمي]

شكرا خالد على القصيده ولكن هي من كلمات الشاعر خضير البراق العتيبي .