البارحة راحـت مشاريـه وعتـاب=عفنـا المنـام وساهجيـن المـخـدّه
الناس ترقد والحريّص علـى البـاب=والفكـر روّح بـيـن هـاتـه وودّه
اسبابهـا ياعقـاب متعبـة الاشنـاب=الجـادل اللـي تستـحـق الـمـودّه
صادفتها فالسوق في سوق الاحبـاب=يمشـي وكنّـه بيـن ضمـه وشـدّه
الناس زحمه والغضي نال الاعجـاب=ماكـنّـه إلا بسهـلـةً مـجـرهـدّه
الناس راحت بيـن وديـان وشعـاب=وإالا الغضـي عانـه يلـوّح بـيـدّه
ياللي سهجت البشت في موضة الكاب=ومـن اللعانـه فـي يدينـك تشـدّه
الكاب ضيّق فوق جسمك والاعصاب=اعضا تشـدّه فـوق واعضـا تمـدّه
الزين نجدي والميوعه لهـا اسبـاب=والطبع طبع اهل الحضـارات جـدّه
اليا التفت خايف وليا صـدّ مرتـاب=والثقـل ماهـو ورث خالـه وجـدّه
ومن الخجل كنّه يطالـع لـه كتـاب=يقـرا وعينـه كـل حـرفً تـعـدّه
خد وبياض وعنق وحجاج واهـداب=وسيف المنايـا فـي عيونـه يحـدّه
والشيلـه الشيلـه مرازيـم ونقـاب=والرمـش خطـراً لرتفـع مايـردّه
دونه تروح ارواح ونفوس وارقـاب=ايـام كـانـت فـيـه هــدّه وردّه
يثنون دونه خيـل وعيـال وركـاب=اليـا اذكـرو عـدّه وخـدّه وقــدّه
قفّى وانا قفّيـت منصـاب منصـاب=يمشي وانا امشي والنظـر لـه نلـدّه
والبارحة ياعقـاب واليـوم ياعقـاب=عفنـا المنـام وساهجيـن المـخـدّه
2007, 02:09 PM
المواضيع المتشابهه
العرض الشجري