الوعــــــــــــــد

[ابوسحر]

كم انتظرتك موجب الوَعْد ماجيت =تاعد وتخلف والمغره مضرّه
ياما على شانك قعدت وتحرّيت=لك انتظر مابين همٍّ وحسره
لو حيت خطوه عابر السوق طلّيت =من حب قلبي لك ومن قل صبره
اشغلتني وانت ابمنامك تهنّيت=ماذقت كيف الود برده وحرّه
لو ربع مابي صابك اليوم جضيت=وصارت حياتك عقب الافراح مرّه
لكن قلبك خاليٍ ماتبليت =ومن الهوى ماشال مثقال ذرهّ
ياليت قلبك يِعْرِف ْ الحب ياليت =من شان يكوى مثل قلبي بجمره
لو قلت ماقدر كان انا عنك عدّيت =لين الفرص تسمح ولاقيك مرّه
ماهوب تاعدني والى رحت صدّيت=تراك تحرقني بكثر المغرّه

محبكم
ابوسحر