الشاعر صالح بن محمد العميم البقمي

[حمد البادي]

--------------------------------------------------------------------------------

وهذه القصيده قالها شاعرنا
ابو محمد موجهه
لرئيس بلدية عنيزه
المهندس
ابراهيم بن محمد الخليل

اشهد ان الحياة الحاضـره بالدراسـه=من تعلم تقـدم وانتهـض بـه بلدنـا
قمة الفكر من عقب الشهـاده حماسـه=يارجـال العمـل والمعرفـه ياسندنـا
نمدح اللي يشرفنـا بحسـن الرياسـه=في عنيزه نجـدد فـي بلدنـا سعدنـا
الاداره ذكاء واخـلاص معهـا فراسـه=والبلـد كلهـا تشهـد وحنـا شهدنـا
مظهرٍ للبلـد فيـه النظافـه اساسـه=في نظـامٍ يـردد ياهـلا فيـك زدنـا
في عنيزه صلاح الراي ساسه وراسـه=بالمهندس براهيـم الخليـل اعتمدنـا
لأجلنا عينوه اهـل النظـر والسياسـه=والثقه عقبها لازم نجـي فـي وعدنـا
الخليل احتمـل تـاج الأمانـه لباسـه=ذي مباديه من جديه الأقصي والأدنـى
حسن الأخلاق من هدي النبي اقتباسـه=كل علمٍ يشرف مـن علومـه وجدنـا
ما تشوفه يخفـي للمراجـع حساسـه=الصراحه شعاره واضحه مـن نشدنـا
من ضميره عن اسباب الخطأ له حراسه=من يشوف التطور في عنيـزه حسدنـا

[حمد البادي]

--------------------------------------------------------------------------------

يقول ابو محمد

عز واليك يابـرقٍ تخيلـه عيونـي=استخيله وانا ما ذقت مـاه ونباتـه
برق مابه رعد من مرزمات المزوني=منوة العاشق المغرم ولـذة حياتـه
آه انا المضمي اللي يابساتٍ غصوني=مير ما كل من يطلب يحصل مناتـه
آه واكبر همي مع كثيـر الغبونـي=كل ما اقبل سمار الليل واضفى عباته
السهر جا عيوني من سبايب عيوني=ليت راع الحساني ما يخلي حسناته
آه ياليت خلي ما يخيـب ضنونـي=ما يخلي المواصل لين تقضي حياته
انت ياللي على حالي تقول وتموني=إرحم الحال والمخلوق عينه مراتـه
يا هلي وان ذبحني صاحبي حللوني=ثم رشوا على قبري دموع اعبراتـه

[حمد البادي]

--------------------------------------------------------------------------------

وهذه لأبو محمد.يقول فيها

أرسلت يم الحبيٌـب كـم مرسالـي=وابطت عليٌه من الغالـي مراسيلـه
يومين والثالت ارقى النايف العالـي=ودلٌـه القـلـب لازادت غرابيـلـه
يرتاح بالي واهوجس بالخلا الخالي=واحاكي الزين بافكاري واغنـي لـه
الى ذكرته لحالـي ينسمـح بالـي=صورة خياله معي باليـوم والليلـه
ماني على البعد والهجران محتالـي=ودي بشوفه بعد ما غاب واشكي له
واليوم قلبي رصدته وسـط جوالـي=كوده يجي من حبيب القلب تحويلـه
لولا الحياء قلت حلو الوصف بالغالي=لاشك لمحـة خيالـه كلهـا عيلـه
ارجيه من حسن ذاته يرحم الحالـي=يرسل جوابٍ حياتي فـي تفاصيلـه
من غيبته ماتبي حالـي ولا فالـي=والقلب من لو عة الهجران يا ويلـه
ان كان طالت عليٌـه منـه عزالـي=تكفون يافزعتي شوفوا لي الحيلـه

[حمد البادي]

--------------------------------------------------------------------------------

ومما قال ابومحمد

إلا ياحمد ما ذقت مـن لوعـة الأيـام=كما ذقت انا من صاحبي لو عة الفرقا
اسامر نجوم الليل والمسلميـن انيـام=والاعب غرامي كل ما ناحـت الورقـا
واجاهد لهيب الشوق من ثورة الأنسام=على الكبد من ميسم عذاب الهوى عرقا
صويب الهوى والحب ما ظنتي يـلاٌم=شرايين قلبه من هوى صاحبه حرقـا
مع الناس مستانس ومن داخله منضام=جحد علته والعين في دمعهـا حرقـا
يعيش الليالي في خياله مـع الأحـلام=تسيٌر به الأفكارمن غرب الـى شرقـا
سواة الكسير الطايح اللي بدون اعظام=يجـر الونييـن ولا يحـول ولا يرقـا
انا صابني مثله مضى لي ثلاث اعوام=مع الصاحب اللي ضوح خده كما البرقا
على شوفة المملوح تمشي بي الأقـدام=اسارق ملامح نظرتـه بالخفـا سرقـا
ذبحني هوى من وصفها يتعب الأقـلام=من الملح لا بيضاء خواجه ولا زرقـا