غربــال قــــــلبي

[ابوسحر]

عزي لقلبٍ خفيقه بيّح اسراره=باسباب هجر المدلل ناعم العودي
الصاحب اللي بقلبي عامرٍ داره=حبه على كل شيٍّ زايدٍ زودي
يامن يجيني يريح القلب باخباره=قلبي شقا به ودمعي حرّق اخدودي
والروح ماهي عن المحبوب صبّاره =من وين اجيب العزا لاصار مفقودي
ياويل من بالموده ضاعت افكاره =حيران ولهان والهجران ممدودي
غربال قلبي الى اقبل فاتح ازراره=والشعر نثري على حجاّنه السودي
كنّه على الكبد يمشي طول مشواره =كبدٍ حرقها الجفاء باثبات واشهودي
ياليت من صاحبي لو ساعه ازياره=ينقذ بها روح مجبورٍ وملهودي
لعل قلبي يطيب وتنطفي ناره=بمشاهد الترف مشهاتي ومقصودي

محبكم
ابوسحر