هــذا طرق بين شليويح المطيري وعبدالعزيز البادي ( رحمه الله ) ...
شليويح
يا سلام الله على اهل اللعب الاقصى والموالي = ردة من شاعر المطران عوجان الحميه
يا وسيع العرف لا تفرق حلالك من حلالي = مثل ما بيني وبينك في عصور الجاهليه
عبدالعزيز
مرحبا بك يالمسلم ما سمر برق الخيالي = قالها اللي يوم غنـّا عزوته بالشمريه
والله اني مادري وشلون كيفي ذا الليالي = مفختٍ من ذي وهاذي كيف مالي مقدريه
شليويح
الحقيقه ما غدالي لا جنيه ولا ريالي = مير ذعذع لي هبوبه والهبوب مصافقيه
لا تلفت للجنوب ولا تلفت للشمالي = انت في دار تفك اموالها بالنافعيه
عبدالعزيز
هب يا ريح الصبا ومقابلك ريح العوالي = والليال سهود والخيره على العالم خفيه
إن بغيت افكر بحالك مثل ما تفكر بحالي = لا تخليها عليك ولا تخليها عليه
شليويح
كان هبت من نصيبك قلت لك يا هملالي = اتصبر في حراها من صباح اليا عشيه
ما عليك من السوالف شمسها فوق الظلالي = لو بغيت الضحك يا رجال لا تضحك عليه
عبدالعزيز
من نصيب الكل واللي له على الجمه مدالي = عند حزات المزاحم لك يديك ولي يديه
والحما محكوم والقطعان ترتع بالمفالي = صاحب الدكان ما عزّل بسوق الجودريه
شليويح
ويش عندك يا عزيز كان انا جيتك لحالي = لا مجمع لك جموع ولا غزينا في السريه
تالي الهجره تراها مثل ماضية الليالي = يوم ذبـّحنا الضحايا ما ذكر عندك ضحيه
عبدالعزيز
ابشر اني والمٍ لك في يدي مثل الهلالي = ابرد الكبد المغله والطواريق ابرحيه
قاضبٍ حقي ولا تقدر تحاول راس مالي = والضحايا اللي تذبح لا تعرضها عليه
شليويح
نوب ذيب ونوب تجفل مثل مرعوب الغزالي = ما عرفنا ذلقة النيبان من راس الثنيه
كان ما صدقتني يرضيك منطوق الرجالي = الضحايا ذبحوها وانت ما جك المنيه
عبدالعزيز
ذي سوات اللي يبا الطولات وان طال المجالي = ينصب الشاره ويرميها على قيس الدعيه
ودك اني مثل غيري مير انا مرتاح بالي = كان تمت هالسوات فلا عليك ولا عليه
شليويح
احمد الله وادّرق باللي تشوف من الجبالي = وانت مرهي بالسلامه صارت الحزه رخيه
كل سلعه في سوقها والسوق غالي = وانت ما سيرت نجد ولا عرفت العبدليه
عبدالعزيز
ما على راسي ظلال وفي يدي قضب الحبالي = فوق شقرا تِلحِق الطراد في راع المطيه
وانت ما تبخص عشار الوقت من وقت الحيالي = جاتك الدنيا بغره واطبقت فوقك طميه
شليويح
انت يا راع الفرس ما انته ابو زيد الهلالي = سابقك تشرب لبنها مالي لك مطبخيه
قبل تشري لك مكينه تزعج الجم الزلالي = الفرس تسني عليها ما تعرفون العبيه
عبدالعزيز
انت لا تنسى ليالٍ قلت من يقعد بدالي = يوم ابو مجهول صوت عند سور الاحمديه
اما انا خبري بروحي وان قعدت تشوف تالي = ياصلن طرادهن السابقات بكل نيه
2007, 10:56 PM
المواضيع المتشابهه
العرض الشجري