خمسمية مجلّد

[ابن الخطيب]

انا وابوفيصل ولا يهون الاصحاب=لنا في كل قهوه طواري تخلّد
وان كانه العنقاوي مسوّي كتاب=حنّا نألّف خمسميّة مجلّد
نوزّعه مجاناً لكل مرتاب=حتّى تعلّم من قرى به .. وقلّد
فان شفت لعبه زين ماهو بكذّاب=الفرق ما بين الاصل والمقلّد!
وان جاب له كبّوت قالوا له اش جاب؟=هذا لعب عبدالعزيز المولّد
خذينا ميداليّة الفوز بحساب=وغيرنا حتّى الخشب ما تقلّد
واللي يقابلنا يبي يعود منصاب=تلقى شعوره بالخساير تبلّد
واللي يشجّعنا من سنين ما خاب=تلقى شعوره بالحرافه تجلّد
ومن لعبنا كم واحدٍ يمسك الباب=تمنّى يلعب غيرنا لا تولّد
وان كان ودّك تنهزم بين الاصحاب=قابل علي لا صار قدم المولّد