طاروق مع الشاعر عبدالله بن عتقان
ابن حسن
هلا يامرحبا ماكفخ طيرن بالجناحان=بعد واعداد ماناض برقٍ بالمخيله
بعد ماجيت حياك ربي يابن عتقان=وهذي ليلةٍ عندنا ياوي ليله
ابن عتقان
يدوم الك البقاء كلبونا ربعي واخوان=وطن واحد مايفرق قبيله عن قبيله
رسالتك العزيزه على عشرين عنوان=عساها ليلةٍ ياهل عنيزه فضيله
ابن حسن
تعيش وكل علمٍ يبي حجه وبرهان= ولايحتاج كلن معه حيلن وحيله
رسايلنا تبين ضحى والا مسيان=وبه دعوى قصيره وبه دعوى طويله
ابن عتقان
ياراع البندق اللي لها حبه ونيشان=ترانا نشعل النار في راس الفتيله
اعرف حدود الاردن واعرف حدود لبنان=عروبه وحده والمواقف مستحيله
ابن حسن
على هونك ترا ان العلوم اشكالي والوان=ومنهو يضرب الدرب لاينسى صميله
وانا ذاكرك وانته يابو مادري تناسان=وهذي مايبيها عميلٍ مع عميله
ابن عتقان
تخير فالكرامه ولاني ضيف عجلان=تقدم دلة الهيل والا الجنزبيله
تغيب سنين وشهور وتزاحم فالاسكان=وعندك بنك مقفول مدري كم حصيله
ابن حسن
بعد شفتك تصلي وانا مااوحيت الاذان=ابنشد ويش فرق الفروض امن النفيله
تقول العلم كاين وهو ياشيخ ماكان=وحنا نتبع اهل الوفا بأحسن وسيله
ابن عتقان
اقول الى اختلفنا على من قام غلطان=نروح المختبر والدمي حسب الفصيله
منول يابحر فيك لؤلؤ فيك مرجان= وهالحينه تغيرت في الدنيا الهويله
ابن حسن
ياليت انك تعوذ وتدحر كل شيطان=ترا ماحدن من الناس يرضى بالفشيله
ولو انك سابحٍ بالبحر يافلان يافلان=ترا به غبتن ماهقيت انك تجيله
ابن عتقان
انا ماني بجبان وانته منت جبان=ولاني معترض واحدن عابر سبيله
ثمان سنين ادوركياخاتم سليمان=وأثر خاتم سليمان مع واحد يشيله
ابن حسن
اجل وراك ماتجزي الأحساني بأحسان=وتصبح مع أهل المعرفه مثل الدليله
تدور خاتمن مالكم به ياولد شان=ونفسك مثل نفسي ترا ماهي ذليله
ابن عتقان
عليه بالحرام ان هذا العود بطران=ياليت العود ياناس يتجدد موديله
تقبلو تحياتي
فـهــ التميمي ــــد
2007, 04:16 PM
المواضيع المتشابهه
العرض الشجري