درب الغياب

[بلاني بالمحبه]

الشاعر عبدالله السهلي


أتمنى قبولها كما هي بلا مقدمات

على أمرك يابعد نبض الخفوق وهاجسي ومناي
................................... مدامك ماتبي وصلي أنا وش عاد يبقيني


أبحفظ مابقى لي من كرامه وأستحـث خطـاي
...................................على درب الغياب ووين مـاودى يودينـي


واذا هفهف على صدري هواك وحدني لاقصاي
................................... دعيت الله يطمن في بعادي قلبي وعينـي


وطلبته مثل مامكـن غـلاك وثبتـه بحشـاي
................................... يشيله من معاليقي قبل لا الوجد ينهينـي


ولعلمك لو عرفت إني أبثني عزمـك برجـاوي
................................... أموت ولا ترجيتك وقلبـك بايـرٍ فينـي


لو انك قلتها تبغـى تشـوف معزتـك جـواي
................................... أو انك قلتها ساعه زعل والذنب كاسيني



لاجيك بكل حيلاتي من ايـام الصبـا لا تـلاي
...................................وأشري رضاك لو كان المقابل باقي سنيني


ولكن مالمسته بك قتل حتـى العتـب بشفـاي
................................... غرام ٍ مات في عينك على فرقاك يغريني


حسافة كنت احسب انك تقدر طيبتـي ووفـاي
...................................وعلى اقل احتمال تراعي اللي بينك وبيني


توقعت إنك أخلص من عرفت وشفت في دنياي
................................... أشك بكل من حولي ووحـدك ماتخلينـي


طلبت البعد في وقتٍ أبيك تكـون بـه يمانـي
................................... بعد ماجارت ايامي علي وحارت يدينـي


ولايخفاك لوعـات الليالـي وماحصـل ويـاي
................................... ولو مافي يدك حاجة وجودك كان يكفيني


توفي لو بعض دينك إلين آقف علـى ماطـاي
................................... لعل يكون لي صبر ٍ على الفرقا يقدينـي


على كل حال ماينفع كلامي لـك ولا شكـواي
................................... عن اذنك برحل لدرب الغياب اللي يناديني

[روح التميمي]

ولـكـن مالمسـتـه بــك قـتــل حـتــى الـعـتـب بـشـفـاي
................................... غرام ٍ مات في عينك على فرقاك يغريني
ياسلاااام . . كلام مفعم بالمعاناة والصدق . .
تسلم يمينك يا ( بلاني بالمحبة ) وتسلم قريحة الشاعر / عبدالله السهلي .
ولا تخلينا اختياراتك الرائعة .
تقبل تحياتي ,

[درقن]

صح لسانك ولسان قايلها



تسلم يمينك بلاني ويعطيك العافية


كلمات في غاية الروعة


اخوك / درقن

[ريان]

الله يعطيك العافيه

[حيران]

صح لسانك ولسان قايلها



تسلم يمينك بلاني ويعطيك العافية