الشاعر : فيصل العدواني

[ديباجوا]

& نبـذهـ عن الشاعـــر &




الأسم / فيصل بن فهد بن هادي العدواني
عضو ديوانية شعراء النبط الكويتية ..
عمل بالصحافة من خلال إعداده لملف هواجس الشعري وصفحات أبراج الشعر ....


اصداراتهـ :

* ديوان صوتي بعنوان (( هواجس )) عام 2000
* نشرت قصائده بمختلف وسائل الإعلام المقروءه والمرئية والمسموعة
* أقام العديد من الإمسيات داخل الكويت ومن أهمها :
* أمسية نادي الصيد والفروسية عام 1999
* أمسية هلا فبراير عام 2001
* أمسية هلا فبراير عام 2003
* أمسية مهرجان الجهراء الثقافي عام 2004
* أمسية وضوح الرأي عام 2005
* أمسية قطوف الكبرى عام 2006
* كما شارك شاعرنا بالعديد من الإمسيات والمهرجانات الخليجية والعربية ومن أهمها :
* أمسية اتحاد الطلبة بالأردن عام 2003
* أمسية سفارة الكويت في عمان عام 2005
* أمسية مهرجان أبها عام 2006
* أمسية مهرجان قطر الثقافي عام 2006
* أمسية مهرجان حايل عام2006


ديوانه الجديد (( الطلسمـه ))
وهاذي اشعر من الديوان ان شاءالله تعجبكم ...


بعنوان &(( الطلسمة )) &

وهذي كلمات القصيدة لعنوان الكتاب




لا إله الا انت يارحمن ياواحد أحد
واهب ٍ نور الهداية عن دروب ٍ مظلمه
باسط ٍِ سبع ٍ وسبع ٍ فوقها بليا عمد
فارض ٍ خمس ٍ عليها العبد نفسه مسلمه
أشهد أن وحدك إلهي ربنا الفرد الصمد
وأشهد محمد رسولك والكذوب مسيلمه
استجير برحمتك يالله من ضيق اللحد
والتجيبك من عذاب القبر واهل المشأمه
واستعيذك يا إله الكون من حاسد حسد
ومن نفث في عقدته من بعد ذيك الطلسمه
ثم أببديبك إلَهي راجي ٍ منك الرشد
الشعر يغوي وأنا غاويه لاجيت انظمه
دام بي فيض المعاني كثر طفـَاح الزبد
الخطا وارد وانا عبدك ولا أقدر اعصمه
اجتهد وادري بأن ما كل من يجهد ورد
للمصاب اللي يبي من بعد شدت محزمه
يعني لو صح المثال ان كل من جد َ وجد
كان ماخسر الفتي وخطته كانت محكمه
وكان ماشفنا من اللي فزعته تسوا بلد
نكس ارقبته والا يادوب يجتـٌرإنسمه
وقتنا فيه التضاد اشكال وأكثرهم نكد
الجلم فيه اذكيا .. ولا الذكي فيه جلمه
فوضويه عارمه لاما حصوها في عدد
والحقايق خايبه والزيف يـِرتـٌف علمه
مثل ما شفنا البخيل اليوم للعليا صعد
بكره انشوف الكريم ان مـر ذكره نشتمه
البخل مـاهو ببخل المال لا شح المدد
البخل باللي تكاثر ضحكة ٍ من مبسمه
والجبان اسوأ صوره الذل والأسوأ بعد
قذف عرض المحصنه يالله لاتبري دمه
والأدب مـاهو رزانه قـاف للي به نشد
كم وكم شاعر يخالف مايدونه اقلمه
ما سلمت ولا غيري ولو انه جحد
اغلب الشعار تخطي والخطا فينا سمه
كن عيني عن طريق الحق حاديها الرمد
لو بفكر بالإجابه الإجابه مبهمه
ان تجاهلت الحقايق داخلي شي ٍ وقد
ما قوا صدري يطيقه ونفسي عيت تهضمه
ان مشت رجلي تبعها وان قعدت يمي قعد
مدري هو باقي الضمير الحي وأزريت اكتمه
رحمتك يامن ملكت الكون وإلهمني الرشد
دام يغويني الشعر وأغويه لاجيت انظمه
ودام بي فيض المعاني كثر طفاح الزبد
الخطا وارد وانا عبدك ولا أقدر أعصمه





فيصل << حاله مطريه >> شديدة الكثافه ..
//
\\
//
جهل نرسم امانينا .. حرار ما تعرف قيود
وحنا مابنا واحد سلم من ظلم سجانه
عبث نكتب مشاعرنا قصايد .. والعنا مولود
ربا داخل محاجرنا وصرنا نعشق احزانه...

وهو << حاله سرمديه >> لدرجة التيه ..
//
\\
//
أذكر اني كنت اهوجس في غلا هالآدميـه
وأحسب للحظة لقاها هالدقايق والثوان
وأذكر اني كنت اشكك في وجود الجاذبيه
وأتساءل ليه أطيـر لا دعتني في مكان ..؟
...
أحيانا شديد القسو ه ..
//
\\
//

خلها على الله ماهي أول خسـآره
يآقلبي أصبر يمكن تكون خيره
إن كان ماوده يجي بأختياره
اللي خلقه الله .. خلق ناس غيرهـ...
واحيانا شديد الحب ..
//
\\
//

ما كنت ابيها تصير واليوم صارت
هاللحضه هذي ما تمنيتها تصير
أوادعك واشوف دمعتك حارت
واهمس لك بحسره : أشوفك على خير
--
وهذي بعض القصائد التي نقلتها لكم من ديوانه الجديد (( الطلسمه ))
وها انا اتمتع بقراءته ..
.. (( تبقى يــآ وطـــن شــآمخ )) ..


يا هجوس الشعر فزي واجلبي عذب الكلام
واجمعي من بحر فكري كل دره والثمين
واكتبي اجمل قصيدة دونيها بانتظام
وبتدي بسم الاله الواحد .. الفرد .. المعين
اكتبي بالديره اللي من دخلها ما يضام
ديرةٍ ما يوم زلت في حقوق المسلمين
ديرة من طيب أهلها اندحر جيش الظلام
عود ايجر الهزيمه خايبٍ باله حزين
يوم دكته المدافع .. ماجنا غير الهدام
ولعت بغداد نارٍ ما تهيد .. وتستكين
والله إنا ما بغينا الحرب .. ونيران الحطام !
حدنا طاغوت دجله حده ابليس اللعين
صور الدعوه سهاله في عيون ابن (( الحـ ... ))
مادرا بالحق يظهر حاضرٍ أو بعد حين
حافظك ربي ياوطن فوق الغمام
مثل نجمٍ معتلينا رغم كيد الحاقدين
حافظك ربي وتبقى شهر .. شهر .. وعام .. عام
بالزمن رمز البطوله وكبرياء المؤمنين .


.. (( زآيــد )) ..


قصيدة رثاء للمغفور له بإذن الله تعالى
الشيخ / زايد بن سلطان النهيان رحمه الله

ماحصل .. شي عظيم ولا حشا ماهو بعادي
يفجع الطفل الصغير ويحرمه لذ المبيت
كن الكون كله أصبح في عيني رمادي
وان قويت أمنع دموعي حزن قلبي ما قويت
لملميني يا حروفي وألبسي ثوب الحداد
يعلم الله ما كفيتي ياحروفي ولا وفيت
حث شيخٍ يعتلي الطولات ويرد المعادي
ماذخر خيره لنفسه وعممه في كل بيت
من صغر سني وانا اسمع جمله حافظها بفؤادي
يعني أول ماعرفت أقصد .. من وعيت
ان (( زايد )) عز شعبه حضرها ويا البوادي
لين صاروا مضرب الامثال وللعربان صيت
ايه صحيح اني بعيد الدار واسكن في بلادي
لكن اشعر في ضميري اني بدياره ربيت
يالله ارحم شيخنا يالله يارب العبادي
انت وحدك من عطانا وانت وحدك من خذيت
من هو غيرك لا لفانا الكرب نرفع له الايادي
وانتضرع لك بخشيه وحدك بوعدك وفيت
يالله اغفر لـ (( زايد )) يا إله لك ننادي
نرتجي تسمع دعانا ولا نعارض ما قضيت
وان سلبه الموت منا العمر لأتلى النفادي
ويبقى الحي في حشانا لا حشى ماه و بميت
ماحصل .. شي عظيم ولا أبد ماهو بعادي
والحزن ماهز قلبي .. الحزن هز (( الكــويت )).


.. (( قروض )) ..


وهذه القصيده تتكلم عن المشكله
التي تكلم عنها المجلس الامه .. ألا وهي القروض

الليله الليه نبي نفتح الباب
يعني بسولف واكثر الناس دارين
سوالفٍ علمو بها اقراب واجناب
ماهي سياسه يعني بين بينين
دامي بديرة عدل ماني بمرتاب
والشكر للي رابط الحكم بالدين
ولا يقطع الارقاب سوا رب ما غاب
اللي خلق لي عين .. و من هالجهـة عين
حنا إبتلشنا بين صادق وكذاب
وإشاعه تمشي ولا ادري على وين
ضعنا وتهنا بين مجلس ونواب
مابين طاح الدين .. وماطاح هالدين
عضوٍ يهدي وعضو منهد طلاب
هذاك طيب وهذا والله مليعين
وعضوٍ يهدد والهدف كسب الاعجاب
وعضو محبة ديرته بين قوسين
والا الحكومه لنسبت وسط هالناب
حلت وزارة مالها كود شهرين
والدعوه ضاعت بين صيحات وسباب
وحنا انفقرنا ولا جنينا ملايين
هم المواطن بس تكسير الحساب
والقسط يذبح لا وصل حد تسعين
(( فهد )) يبي لعبه و (( شيمه )) تبي كتاب
و (( هلآ )) طولت وقصرن الفساتين
والراتب الماخوذ عشرة الشهر ذاب
طار وتبخر ما بقى منه قرشين
غير العنا تزاحمت ذيك الاسباب
حوايجٍ خلت لها البال بالين
وشفيها يعني لفتحو كم دولاب
من خزنة الدوله وعسى ربنا يعين
حنا أحق من الاجانب والاغراب
والشعب طيب وانتو أصل الكريمين
بس بصراحه لو شعر عارضي شاب
هذا البلد عندي بكل البلادين
فيه بركة والخير به حيل جذاب
والطيبه بأهله ما تبدل بثنتين
يالله طلبتك وانت لي خير طلاب
تحفظ بلدنا ورددوا بقول آمين
ولا جيت يم الحق محتاج لإعراب
بقول انا الزبده وابي تسمعوا زين
حنا عشقنا كويتنا سيف وتراب
من قبل يظهر نفطها والبلايين
وآل صبـآح من دونهم ترخص ارقاب
سـآكن غلاهم دمنا والشرايين
واذا فتحنا باب بنسكر ابواب
والشعر احرف ويتدون عناوين
وهذي سوالف قالها اقراب واجناب
ماهي سياسه يعني ما بين بينين.

*


.. (( المزاج )) ..


المــزاج اليــوم عــالي وفللـي رايقٍ بالي وجوي معتلـي
بس كـــذا لزوم الانبساط انت يـآ عايد بصوتلك علي
لا تجادلني ولا تزيد الملام أحمد الله مادعيتك فرغلي
يا ولــد هالدعــوه خربانه معي يعنــي لا تنقد ولا تشره علي
ودي أضرب كل شي بعرضٍ بطول وأتــرك المنكوس وهوبالت هلـي
ثم بوجهها على الشعر الفصيــح بشتويه أحيــآن وأحيــآنـأ قلي
أقترب ببدا وثم خلك معــي من بعــد هالشطر دقق مدخلي
لــي فتاةٌ عذبتني بالهوى
لـم تُزيِنُها الأَسَاورُ والحُلي
بل هي مـن زينت تبر الجبال
صاغها من هو بعرشٍ مُعتلي
قد رأيتُ منهـآ السبع العِجاب
إن مشت مـآلت غصون السنبلي
طرفها يخطر إليك بالهلاك
إن تداعت بالحرير القاتلي
+++++++++ة مارأت عيني مثلهـآ
أمحقت قلبي وجسمي ناحلي
+++++++++ةٌ مع امحقت هذي لنا لعنبو هالعرق يصلاني صلي
قلت أبسلك مير ما سلكت موانا مبتلي نفسي ولاني مبتلـــي
قــرد حظي كــآن شعري ما ذكــرت القصايد ما اتعدى منزلي
ويابري حالي من حرووف السكون والماخوذ الجر وأبن الدؤلي
كلمتين وكني داخل في جهاد ناشفٍ ريقي وحالي امبهذلي
لين طالت يا عساها للذهاب وانكتم صدري بعد ماهو خلي
عايد اسمع طالبك انسى القصيد واللي قلته لا يحط بفايلي
ارم ما قلتــه ورا ظهرك وكاد والسموحــه منك لا تنقد علي


وكذلكـ من اجمل قصائدهـ المشهورهـ ( عدت بكيفي )

كلمتك عدت بكيفي لاتحسبنها شطاره !!
=والله اني مانويت اجازي السيه.. بسيه
ولانويت اقسا عليك وانت ماعندك جساره=
=وش لك اتكثر حطبها دام مالك مقدريه؟؟
من عرفت العلم واسمع بالخبل هرجه دماره=
=وانت خليت المقوله ثابته ميه في ابـ ميه
ليتك اللي ماتكلم واحتفظ بقصى قراره=
=ولافتشت علومك اللي عرضتك المهمهيه
ايه شبت نارها والنار مبداها شراره=
=وانت مثل اللي تهبد جوفها والنار حيه
عندنا للخبل منها ميسم(ن) ينطق حراره=
=نلحق بعلباه كيه ولاصرخ زدنا.. بكيه
ان صحا نفرح ابشوفه .. وان غدا..ماهي خساره=
=ماهو بغلا طروش جدي وروحة(ن) من غير جيه
بس انا عندي نصيحه خذها من باب (الاعاره)=
=لا تعزوا دام مالك لاشداد .. ولامطيه
جيت يمي بالقشر وابلاك ربي بالقشاره=
=والا انا مرضى الاهانه لاعليك ولاعليه
حاشم(ن) نفسي وحشم اللي حشمني في وقاره=
=واحد(ن) لاجاك فازع ياسعد منهو خويه
واحد(ن) حافظ مقامه ولا إلتفت في بنت جاره=
=وان نصيته بالحذيه قال تبشر بالعطيه
ذاك لو تعطي يمينه مادرت عنها يساره=
=اجودي(ن) مايجالس كود ناس(ن) اجوديه
كل رجل وله ميول .. وكل نجم(ن) له مداره=
=وكل سيف(ن) له جفيره من عصور الجاهليه
والرجال اشكال وادري عرفهم مثل التجاره=
=بعضهم يغنيك عرفه .. وبعضهم لارحم حيه
والزمن نفس الزمان ولاتغير في مساره=
=الاوادم هي تغير طبعها صبح .. وعشيه.!!
بس انا باخر كلامي بختم ابـ هاذي العباره=
=(الاصابع في يدينا لاحشى ماهي سويه


وهاذي بعض قصائد أشاعر أصوتيه

لا تعاتبني

http://www.al6yar.com//hmd/6yar.mp3

السهر

http://www.al6yar.com//hmd/6yar1.mp3

أيه أحبك

http://www.al6yar.com//hmd/6yar2.mp3


ولكم خالص تحياتي
محبكم
ديباجوا

[طارق]

الف شكر ياديباجوا ومجهود رائع ........


شاعركبير ...

وبالمناسبه القصيده الاخيره لاتعاتبني غناها الفنان حمد الطيار ...

كلك ذوق وتسلم

[ديباجوا]

مشكور لمرورك

يا طارق

وتعليقك

[عطاشا]

مجهود كبير جدا تستحق عليه الثناء

[ديباجوا]

مشكور لمرورك

يا عطاشا

وتعليقك

تستاهلون كل خير

[YsOrI]

الله يعطيك العافيه ياديباجوا مواضيعك مميزه

[ديباجوا]

تسلم والله هاذى من ذوقك

يا الخاطوف

[Almo0or3b]

مشكوور يآلغــآلي--->ديبآجوا<---

علــى مآقدمــت من ســيرهـ للشآعر الرآآئع..

يعطيـك العـآفيه..