يا بعد حالي ومالي ( غزليه )

[ماجدونا]

يا بعد حالي ومالي = ليش ليش اشغلت بالي
عنك اباسأل الهبايب = وانت ما عني تسالي
دلعوك اولعوني = واحفظوك وضيعوني
والله انك يا عيوني = ان حضرت او غبت غالي
منك مشغول ضميري = خايف تصفي لغيري
وانزعج مثل الدغيري = يشتهر عندك اهبالي
اشتكي فرقاك دايم = قاعد فيها وقايم
دوك ريقي ريق صايم = مر وانت بريق حالي
من وفاك ومن كمالك = لا تحرمن من جمالك
لي عليك بقدر مالك = بالوقار وبالدلالي
يا شعاع الشمس قل لي = كان مانتب صافي لي
اكتب اللي لي وولي = وانت خبر بي عيالي
قل ذبحته بالمهونه = يوم اغض الطرف دونه
اشهدي لي يا فنونه = مغرم ذبحه حلالي
ذا وباختم المعاني = قبل لا ييبس لساني
ادفنوني في مكاني = وادمحوا زلة غزالي