وهــنــــا ,,
طــرق اخر بين عبدالعزيز البادي و حمد المغيولي ( رحمهم الله ) ...
عبدالعزيز
سلام والعلم يــم اللــي يجيب العلوم = واثنــــي التحيه عليكم ثــــم اغني بها
اقولها مسلـــم لله اصلـــــي واصوم = اضرب طريق الشريعه كان تدري بها
حمد
ذعذع عليك الشمالي عقب لفح السموم = اهلين يا شاعر جابه وانا اجيبها
يــــا صايـــمٍ الـــدهر بانت عليك النجوم = افطر عسى نيتك ما يختلف غيبها
عبدالعزيز
يــالله يــالله عسى حظ المعانــــــي يقوم = يجيبها اللــــي درسها في تراتيبها
يا قلبي اللي من اللوعه غشته الهموم = والنفس تقبل هواجيسه وتقفي بها
حمد
ما طاب لك طاب لي والنفس مثلك تشوم = والطيبه طيبـه روحــي تهلي بها
لعل عينك سليمه مــــــــا تجيها الهزوم = لا تشتكي ساعـة طابت مشاريبها
عبدالعزيز
كم ليلة مـــا لقـــى الجلاب حــي يسوم = كلٍ الـــــى قال سمها قال مالي بها
اشكي عدم والعرب ما يعذرون معدوم = ادري بها وانت يالعراف تدري بها
حمد
يـــا جالـــب المثل غلطان بليا لـــــزوم = من يجهل الطيبه كثـّـــر عذاريبها
هيا تكلم علــى مـــا طاب وانت مخدوم = بيّن لنا هرجـــة بالليل نسري بها
عبدالعزيز
انا احسبــي محلي واثره ديار قوم = كل بغاها وانا يــا حمود ما اصخي بها
ما ودي انه يضيع الحق عند القروم = يظهر على السالفه ناس تهذري بها
حمد
ما انته من اللي يغرك فالرجال الهدوم = عينك تميز ردي الناس من طيبها
العام يـــــوم ان ضدك هددك بالهجوم = وعقيل شالت مع الغدرا مشاعيبها
العرض العادي
