((.. كثر الشقوق ايحيرن كل رافي ..))

[فـهـ التميمي ـد]

(كثر الشقوق ايحيرن كل رافي)
يقول المثل النصيحه تشرى ولا تباع ولكن شاعرنا يرى ان في بعض النصح مخالفه للواقع ومداهنة للانسان وقال الابيات التي توضح ذلك بجلاء وهي ابيات ذات طابع خاص يتفوق عن غيره من حيث جزالة المعنى وسلامة الاسلوب ووضوح الكلمه[/align]

يمر اذاني هرجكم تقل عاصوف=لاكن في قلبي اسعاف ومطافي
مشحون هم وضامري من ملهوف=ماهيب علات الضماير تشافي
مانتب على نصح المخاليق مكلوف=كل بعقله راضي ومتكافي
عن عقل غيره واصدق الهرج معروف=ان ماعطاك الوقت بالهجر قافي
ماطيع هرج الناس وعيوني تشوف=باب النصايح والصحيح امتجافي
ناس بدابي من سبايبهم الخوف=وانا من العادات مانيب اخافي
لا شك يجرح ضامري هرج ملقوف=اللي تكدر هرجته كل صافي
ناس تردك عن نواياك مشفوف=ويخوفونك لو طريقك عوافي
ترا حلاة النصح واضح ومكشوف=يا موحشين ابهرجكم بالتلافي
احترت كن ابضامري دف وادفوف=من جور اهل هالوقت شربي عيافي
هذا وكل له هواجيس وظروف=ومدبر نفسه بدون اختلافي
مابي لكم فزعة نصيحة ومعروف=كثر الشقوق ايحيرن كل رافي

[/QUOTE]

[ولد ابوه]

ماطيع هرج النـاس وعيونـي تطيـع باب النصايـح والصحيـح امتجافـي

وراكم مخلفين القافيه (بـتطيع)



وصح لسان الخال

[فـهـ التميمي ـد]

المشاركة الأصلية كتبت بواسطة ولد ابوه

وراكم مخلفين القافيه (بـتطيع)



وصح لسان الخال

يعطيك العافيه على هذا التنبيه

ولكن الواحد مع الكتابه وهو مستعجل يمكن يغلط

شكرا ًَ لك على التنبيه

ولقد تم التعديل