والله من همٍّ يصدري راجي

[روح التميمي]

من قديم أبي زياد ..

والله من همٍّ يصدري راجي

والله من همٍّ يصدري راجي=ضيّع دليلي في متاه بروجه
همٍّ ورا همٍّ مقيم ولاجي=دلا يسوي بالضماير روجه
إن قلت وش بي ما لقيت علاجي=عجزت أحصّل للإذاعه موجه
ما همّني خلٍّ عكس منهاجي=ولا طربت لضحكته وهروجه
لا شك فاجاني بوقتي فاجي=دوني قفل بين اليدين دروجه
تعبت في هذا وهذا راجي=لعل نوّ الضيق عند خروجه
ما شفت لي من هالنكد مخراجي=لولاي أعرف إنك دليل فجوجه
يا بوحسن طفّى الزمان سراجي=بين الجماعه كنّي الدبوجه
أنا بخبري تسعف المحتاجي=اللي عليه مصيبته ممزوجه
أبيك تفزع لي بدون إحراجي=من شان أبو منصور يسحب فوجه
لأجل السبب هذا عقدت حجاجي=رهنت ثوب العيد والدربوجه