سقى صوب الحي مِزنٍ تَهامَى(محمد ابن لعبون)

[عطاشا]

محمد ابن لعبون علم من اعلام الشعر النبطي ومن اشهر الشعراء في منطقة نجد والجزيرة العربية والحديث عنه يطول ويطول المهم هنا هذه القصيدة الجميلة والمشهورة في منطقة الخليج والتي تغنى بها الكثير من الفنانين الخليجيين اتمنى أن تحوز على رضاكم00000000000000

سقى صوب الحي مِزنٍ تَهامَى === على قبـرٍ بتلعـات الحجـازي
يعط بها البختـري والخزامـى === وترتع فيه طفـلات الجـوازي
وغَنَّـى رَاعْبيّـات الحمـامـا === على ذيك المشاريف النّـوازي
صـلاة الله منـي و السّلامـا === على من فيه بالغفـران فـازي
عفيف الجيب ما داس الملامـا === ولا وقَّفْ على طرق المخـازي
عَذُولي به عنـودٍ مـا يرامـا === ثِقيلٍ مـن ثقيـلات المـرازي
أبو زرقا علـى خـده علامـا === تحلاهـا كمـا نقـشٍ بغـازي
عليـه قلـوب عشاقـه ترامـا === تكسر مثـل تكسيـر القـزازي
ألا يا ويل من جفنه علـى مـا === مضى له عن لذيذ النوم جازي
ومن قلبه إلـى هـب النعامـا === يجرونه على مثـل الخـزازي
تكـدر ماصفـى يامـا ويامـا === صفا لي من تدانيـه المجـازي
ليالي مشربي صفـو المُدامـا === وثوب الغَيْ مَنْقُوش الطِّـرازي
مضى بوصالها خمسة عوامـا === وعشرٍ كنهـن احـزاة حـازي
بفقدي له ووجـدي و الغرامـا === تعلمـت النياحـه و التعـازي
وصرت بوحشةٍ من ريم رامـا === ومن فرقـاه مثـل الخازبـازي
عذولي فـي هواهـا بالملامـا === يعزيني وأنـا مانيـب عـازي
وكل البيض عقبه لـو تسامـى === فلا والله تسوى اليـوم غـازي
سلينـا لا حـلال ولا حرامـا === عليهن الطـلاق بـلا جـوازي
وحياة الشـوق فيهـا والهيامـا === وقـدٍّ منـه يهتـز اهتـزازي
وخـدٍّ تـمّ بـه بـدر التمامـا === وجعدٍ فوق منبـوز العجـازي
فـلا بـي عقبهـا زاد ولامـا === وجزت من الغوى والغي جازي
وخضت ابحور ليعـاتٍ تطامـا === خلاف الانس ضاقت وين ابازي
نِكِيف الهم فـي قلبـي ترامـا === وجيش البين بالغزوان غـازي
اريده وانكسر كسـر السلامـا === بِسَيفٍ جَرّدَهْ ما هُـوب هـازي
علي بخت الدهر ليتـه تعامـا === وخلاهـا وليتـه مـا يـوازي
ياليتي ما حكيت بهـا وأنـا مـا === بكيت الها وفي قلبي حـزازي
أظـلّ مساقـمٍ دوم الـدوامـا === وهمومي فيه تتحـاز انحيـازي
الا يالله يـامــن بالـمـلامـا === يسلّم يـوم تـرزاه الـروازي
اسَلَّـمْ لـه ولا رَد السَّـلامـا === عَزيزٍ من عَزِيـزاتٍ عـزازي
وصـلاة الله منـيِّ والسَّلامـا === على من فيه بالغفـران فـازي

[عبدالرحمن العقيلي]

عطاشا
دايم تطيح على الشيء الرائع
واللي يجبر الجميع على المتابعة
فعلا تميز منقطع النظير
لك خالص التحايا


اخوك
شاعر

[عطاشا]

اخوي شاعر
الله يبارك فيك
وما زلنا نبحث عن الجميل
لجل نرضيكم
تحيااااتي

[الله اقوى]

أبو زرقا علـى خـده علامـا==تحلاها كما نقـشٍ بغـازي
يسلموووووووو

[YsOrI]

اختيارك دائما موفق ومميز تحياتي لك

[عطاشا]

اخواني
الله اقوى ــــــــــــــــــــــــ الخاطوف
الله يسلمكم ويعافيكم
وشكرا للمرور
تحياتي

[ابو سلطان 6]

رائع باختياراتك
الله لا يحرمنا من طلاتك وكتاباتك وملاحظاتك
تحياتي لك

[عطاشا]

شكرا ابو سلطان لمرورك
والله يعطيك العافية
تحياتي

[ريان]

يسلمووووووووووووووووووووووو,,

[عطاشا]

ريان

يسلمك ربي خييييييييييييييييي