كما يصد القرم عن بيت جاره

[سعيد محسن الحريص]

ربعي حزامي بالليال الصعيبات
اهل الوفا. والكار واهل. النماره

رجالهم ماله ثمن. بالجنيهات
واللي لحقه اللوم تنشب ناره

اقدره لو. الخطا. منه. مرااات
واضفي عليه.العذرمثل الستاره

واصد عن. زلة. رفيقي ليا جات
كما يصد القرم عن بيت جاره

لابد من يوم تضيق المسافات
وكلً يحسب اللي جرا باقتداره

والحر ما ياقع.على الجيف لو بات
جايع يشوم اعن العفن من وقاره

ورفيقك اكسر له جنابك من الذات
حزام جنبك في. نهار السطاره

وشم للرجال اللي بوقت المهمات
تعدهم مثل الاخو في نهاره

الشهم لو ماتربطك به قرابات
عزه وقدر من يعزه وداره

حياتنا رحله عديمة ملذات
لو جات لك. حلوه يجيله مراره

وناج الولي واسجد لرب السماوات
خوف اوطمع في رحمته واقتداره

الخالق اللي في. يده بعث الاموات
سبحان. من نجى نبيه بغاره