هذي عنيزه ما نبيعه بالزهيد

[المستشار]

علي بن رشيد الخياط .

يفتخر بأهل عنيزه سنة 1270هـ رحمه الله .

يا دارنا لا ترهبي يومك سعيد = حنا إحمات الداروشب إشعالها
هذي عنيزه ما نبيعه بالزهيد = لا فرعن البيض نحمي جالها
دونك ودون الغيد مخضر الجريد = نروي من الضد الحريب إسلالها
ياما ذبحنا دون غضات تميد = جنايز ترمى ولا أحد شالها
لو جبت عناز وشمر والرشيد = ونجد جميعها دقها واجلالها
جبته وخليته كما حلقة حديد = شرق وجنوب وغربها وشمالها
الدار دونه لابة تحمي الطريد = صعب على كل العدى منوالها
كم سابق يوم اللقا جريه يزيد = عاداتنا ضربه وضرب أمثالها
تاطا حديد وفوق راكبها حديد = توطته مركوبته بنعالها
يا شيخ ياللي ما طلع مثلك وليد = لارفعن الخيل شهب أذيالها
الشيخ مثلك ما يحايد من بعيد = يارد على دارٍ بكوا نزالها
لي بندق ترمي اللحم لو هو بعيد = ما وقفت بالسوق مع دلالها
خماسي رصاصه ستة أشبار تزيد = ملح الجريف إمحيل يعبالها
ربعي هل الطولات والباس الشديد = خطر عزايمها تهد إجبالها
أولاد على هم عمى عين الضديد = عقالها يوم الوغى جهالها
وان كان تبغي الحكم والراي السديد = إدحم على الديره وخضب جالها
قطع النخل ما هوب عيب والوقيد = العيب باللي ما يتم أقوالها
الله يجازي كل جبار عنيد = منا ومنكم يوم عرض أعمالها