استكمالا لمحاورات.. صالح الكريدا , صالح العميم , حمد البادي
يبدا ابو عزيز البادي بقوله :-
سلام رديه تمشــــي على درب الوفـــــــــا ما تحيد = ان كان ترضونها يـــا حضرة الشعار غنو بها
العميم
الله يحيك ما ناحت حمامه فــــــــوق غصن الجريد = او عد ــــما وصلوا الحجاج للكعبه وطافو بها
الكريدا
ما دام جانا العميـــــم يسدنا عن شوف عمرٍ وزيد = نبغي علومه بعد مــــــــا سرقت العده بدالوبها
البادي
هذا طويل اليمين ابـــــو محمد مــــــــا يمد الزهيد = ما همته طمعة الطماع الارفــل ما نظر صوبها
العميم
خل الحرامـــــي على فالـــــه وقدامه نهار الوعيد = لابـــد من ساعـــــــــة تقعد له الدنيا بضاروبها
البادي
الله يطــول بعمــره كل عام يمـــد لـــــــه من جديد = المـــرجله مرتفـــع عنـــــده معدلها ومنسوبها
الكريدا
قالوا لي البارح انك رحت مع سلطان تبغى تصيد = والمهره اللـــــي تبي تقنص عليها ليه عيوبها
البادي
وش حيلتك يالكريدا لو بعثــنا المستند في البريد = لكن تعــــــــوذ من الشيطان نفسك كثرة اذنوبها
العميم
الله يكافيك من شر الليالـــــي يالحصان السديد = نعتــــــــز بك للطلب يابـــو عزيــــز عند ماجوبها
الكريدا
والله لفتش ملفك يالقضيه لين اعرف الرصيد = وشلون تلبس شماغك والعقال ان طار سلهوبها
البادي
فال الله ابرك ولا فال الكريـــــدا جعل فاله بعيد = عينـــي تقدي قدم رجلــــــي على مسراه بدروبها
العميم
ابنشدك يالعمــــى واحلفك بالله كان منتب عنيد = عن مشكله بينكــــــم تــوّه جديــــــده فل مكتوبها
البادي
ما غير تصنيفةٍ جابــــه لنا السلطان عبدالحميد = مـــــــــا يدري ان الرجال تحلل المنطوق بقلوبها
الكريدا
ياما نهيتــــك لكنك يــــا شبيه متيـــح ما تستفيد = مالك ومال الغثــــــــا وابعد عن الدره وشاذوبها
العرض العادي
