قال الخطيب اللي في كل شي يتنبّر=من حرّ ضيقه .. على ما فيه مكنونه
لا من توضّى .. وواجه قبله وكبّر=تذكّر .. اللي على الحاجة .. يخلّونه
ماهو بصابر .. ترى بالغصب .. يتصبّر=مما جراله .. عسى الله كان في عونه
مكسور له خاطرٍ .. ما اظن يتجبّر=وجروح وسط الحشا تبرى على هونه
ما بين تتسهّل .. وما بين .. تتدبّر=لو يدفع الروح .. ما يستوفي .. ديونه
الحزن كايد .. وفرحه ميت ومقبّر=وشلون .. يملي من البسمات بجفونه
وقف .. بليّا قرابه .. فيه تتخبّر=ولا رفاقه .. تشيل الهم .. وحزونه
من كثر ما عزّ نفسه .. صار يتعبّر=وطاحوا من عيونه .. اللي كانوا عيونه
2007, 03:03 PM
المواضيع المتشابهه
العرض المتطور