قالوا ان الإختلاف بوجهة الأنظاري

[حمد البادي]

قالـوا إن الإختـلاف بوجهـة الأنظـاري=مـا يباعـد بالقلـوب ولا يفـسّـد ودّي
قلت بل هذا كلام مـن الحقيقـه عـاري=كل من خالفتـه الـرآي إحتـدم وحتـدّي
العرب تصنيف ثالث والمسـار إجبـاري=يرفضون الرآي الآخر بالهـزل والجـدّي
خير أمه أخرجت للنـاس قـول البـاري=والكلام اللي مـن الله مـا عليـه إتعـدّي
ميـر هـذا بالزمـان الغابـر المِتْـواري=في زمان اللي فداه أمـي وبـوي وجـدّي
رحمة الله .. ثاني إثنين إذهما في الغاري=إذ يقول الصاحبـه لاتحـزن أو تشتـدّي
ثق بربٍ ناصـرٍ دينـه علـى الكفـاري=رغم أنـف الكفـر والكفـار والمتصـدّي
لين صاروا خير صحب مهاجري وانصاري=مـا خلطهـم مشـركٍ بالله ولا مرتـدّي
صدق دين وصدق دنياً يبهـر الأبصـاري=واستمروا عبر ردح من الزمـن ممتـدّي
ثم جاء عصر الدويلـه وفترانـا الفـاري=بعد كنا خير .. صرنـا شـر قـوم لُـدّي
من هاك الوقت البئيس إلى الزمان الجاري=ما تعايـن بالليالـي خيـر لـو إتلـدّي
ذا ملخص وضعنا المستهجـن المِتْهـاري=مالنا عن هالحقايـق لـو جحدنـا بـدّي