تساؤل عجيب ولِه مغازي ولِه نيـات=تبي تِسْتِشِفّه " كلمة الحق " وِتْوِيِقِـه
يابنت الرجال اللي لهم فالزمن سطوات=هل المعجزات المستحيل أمر تحقيقـه
مايكشف سِتَاره غير خمعٍ ردي هقوات=حميميق ما تنهض جناحـه مسابيقـه
لسانه على كشف المغطى من العورات=سِتِرْ عنز في مفـلاً تِقَطّـف زِماليقـه
هذا لعنبو من تِلْتِفِتْ له من الخفـرات=وتعطيـه وجـه وتِنّكبّـه بتعليـقـه
حرامٍ عليّ أشيل برقع وانِشّ إشفـات=إلى صِرْت ما احْفَظْ للمهاوى مواثيقـه
ولاكِنْت ولا كان بيـتٍ مـن الابيـات=ولا كانت أوزان القصيـد وطواريقـه
إذا لم تكن فيها الجمل واعذب الكِلْمات=ونزف المشاعر واعتمـاده وتنسيقـه
كلام الغزل ما اقوله إلا لهـا بالـذّات=مهاةٍ سِبّـت قلبـي وتلّـت معاليقـه
لها القلب مُشْرَع ركن جنه من الجنات=زَرَابِيِـهْ مبثوثـه وِصِفّـتْ نماريقـه
تِمَشّى بجيلانه وتعْزِف لها النبضـات=موسيقـى غـرامٍ مبهمـاتٍ مغاليقـه
على نوتةٍ ماله حلـيٍّ مـن النوتـات=لوايشوفها "بليغ حمدي" نشـف ريقـه
خَزِيزَة هواي ولذّة القلـب والمشهـاة=لها في هجوس البال سَجّه وترويقـه
العرض العادي
